Burela, 24 de setembro de 2015.- O CD Burela FS Pescados Rubén estrearase na Copa do Rei fronte ao Parrulo FS, de Segunda, que quedou exento do inicio da competición; así o decidiu o sorteo da segunda eliminatoria celebrado este xoves na Cidade do Fútbol de Las Rozas.
Os equipos de Segunda División e Segunda División B foron designados como locais, sendo os dezaseis equipos de Primeira División os conxuntos que actuarán como visitantes nesta eliminatoria a partido único, que se disputará entre os días 29 e 30 de setembro.
“É unha eliminatoria complicada, cun só partido e como visitante. Para nós é un partido importante; debemos ir coa máxima concentración; na última Copa Galicia xa demostraron as súas armas” explicaba Daniel Ibañes.
Emparellamentos da segunda eliminatoria:
CD Olimpic de Triana Mundoseguros-Jaén Paraíso Interior
FS Silver Novanca-Levante UD Dominicos Maristas
AD Club Pío-Pío Temisas-FC Barcelona
CD Básico Futsal Talavera-Elpozo Murcia FS
Club Mosteiro Bembrive FS-Santiago Futsal
FS Pallejà- AE Palma de Mallorca FS de Manacor
CE Escola Pia- AE Palma de Mallorca FS de Manacor
Ziérbana FS-Ribera Navarra FS
Zamora FS-DLink Zaragoza
Carthago Sala 2013- FS Jumilla Bodegas Carchelo
CD Futsal Segovia Naturpellet- Peñíscola FS
CDE FS Ciudad del Vino-Elche FS SAD
Gáldar Cohesan FS-Movistar Inter
Nazareno Real Betis Balompié FS-CD U. Málaga
O Parrulo FS-CD Burela FS Pescados RubéN
Cidade de Narón-Magna Gurpea Navarra
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
