Emma Álvarez esixe á alcaldesa de Lourenzá a reparación urxente do valado de madeira da área do Ranchito

Lourenzá, 25 de setembro do 2015.- A presidenta dos populares de Lourenzá e portavoz do seu Grupo Municipal, Emma Álvarez, esixiu este venres á alcaldesa socialista que ordene a reparación con urxencia da balaustrada de madeira situada na área do Ranchito, na entrada do pobo.

A popular sinala que o peche, que na actualidade está en mal estado, non é só ornamental, serven tamén para evitar a caída de persoas por un precipicio de considerable altura que se atopa ao carón dun parque infantil.

Emma Álvarez explica que, con esta actitude, o Concello está permitindo que se xere un risco innecesario para os veciños que pasan todos os días por este espazo e para os turistas que poidan visitalo, especialmente se temos en conta que os nenos son o público principal deste espazo.

A voceira popular, dun xeito construtivo, apunta tamén unha posible é rápida solución como pode ser notificar esta deficiencia aos responsables do Obradoiro de emprego, posto en marcha pola Xunta de Galicia e do que se beneficia Lourenzá, pois lembra que o seu proxecto é, precisamente, o tratamento e conservación de todo o mobiliario de madeira do concello, instándolle ao que o repare.

Sobre este particular os populares xa formularon unha petición expresa no pleno da semana pasada, por este motivo, xa non se trata de descoñecemento do equipo de goberno, unha vez máis a deixadez dos socilistas mantén esta situación que, dende o xoves pasado, nin o arranxaron, nin colocaron ningún tipo de sinalización que permita identificar o perigo que ten para os usuarios. No pleno rogábamos a Sra. Alcaldesa que o arranxara nun prazo máximo dunha semana, pero parece que a seguridade dos veciños, e sobre todo dos máis cativos non son unha prioridade para o equipo socialista que malgoberna Lourenzá. Hai que ter en conta que estes desperfectos están así dende finais de xullo.