A residencia San Bartolomeu de Xove organizou unha xornada especial de actividades para conmemorar o Día Internacional das persoas maiores, que se celebra este 1 de outubro. O obxectivo de todas as actividades é recordar a importancia dos maiores nunha sociedade cada vez máis envellecida nos países desenvolvidos.
A xornada estivo centrada na preservación dos recordos que os maiores teñen asociados ao outono, a través dun taller de memoria no que participaron todos os usuarios e onde estiveron acompañados polo equipo de educadoras do centro.
As actividades realizadas incluíron talleres de memoria a longo prazo, recital de cancións e refranes populares da rexión relacionadas co outono e recolleita de froitos de tempada.
Galicia, cada vez máis envellecida
Segundo datos do Instituto Galego de Estatística (IGE), Galicia é a segunda Comunidade Autónoma máis envellecida do noso país, cun 23,5% da súa poboación con máis de 65 anos, só superada por *Castilla-León. Na provincia de Lugo, un 28,3% da poboación está composta por persoas de 65 ou máis idade.
Na comarca da Mariña Occidental, o IGE rexistrou o pasado ano un total de 6.879 persoas maiores, o que supón un 25,7% do total da poboación da comarca. En Xove contan con 905 maiores, o que supón unha porcentaxe con respecto á súa poboación total dun 26,1%.
20 anos ao servizo das persoas maiores
A residencia San Bartolomeu de Xove é un centro dirixido a maiores válidos e asistidos, fundada no ano 2004, ten capacidade para 126 maiores asistidos e 14 prazas para maiores válidos en apartamentos tutelados.
A Fundación leva máis de 20 anos prestando un servizo asistencial a colectivos desfavorecidos de Galicia a través da súa rede de centros de 70 residencias, a maioría en contornas rurais onde a oferta privada é escasa, que suman máis de 3.500 prazas das que só o 30% son concertadas. O equipo humano está formado por máis de 1.500 traballadores. Foi a primeira institución en Galicia en certificar a calidade dos seus centros mediante o recoñecemento europeo ISO 9001:2000.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
