Lugo, 3 de outubro de 2015.- 1.- http://bit.ly/1QQhV4K
Tal e como se pode comprobar nesta ligazón á acta oficial da Xunta de Goberno do 7 de agosto, publicada na páxina web da Deputación de Lugo, as primeiras subvencións que concedeu a Presidenta Comisionista e Caciquil foron a Concellos do PP. Concretamente, a Foz e Antas de Ulla por valor de 18.000 euros. Trátase do punto 3 dos acordos de dita sesión. Polo tanto, Candia mentiu cando asegurou que as súas primeiras axudas foron para Pedrafita do Cebreiro e Negueira de Muñiz porque, ademais disto, estas xa estaban consignadas. O único que fixo a Presidenta Comisionista e Caciquil foi fotos cos Alcaldes.
2.- http://bit.ly/1j69M1F
Tal e como se pode comprobar nesta ligazón á acta oficial da Xunta de Goberno do 25 de setembro, publicada na páxina web da Deputación de Lugo, Candia xa repartiu máis de 1,3 millóns de euros entre 7 Concellos do PP, entres os que están os municipios dos que Candia e Deputados Provinciais do Partido Popular son Alcaldes. (Mondoñedo, Baralla, Taboada, O Saviñao, Paradela, Riotorto e Portomarín). A Presidenta Comisionista e Caciquil aprobou estas subvencións pola porta de atrás, pois incluínas nos Asuntos de Urxencia da Xunta de Goberno, que son os últimos do documentado da ligazón apuntada. É dicir, Candia tentou ocultar este reparto partidista e a súa nova artimaña caciquil. Con todo, esta información fíxose pública esta mesma semana unha vez que o departamento de Actas da Deputación subiu á web provincial os asuntos aprobadas na última Xunta de Goberno, labor que os profesionais desta área realizan dende que así o estableceu o Goberno de Besteiro.
3.- Coñecido esta semana o acontecido na Xunta de Goberno do 25 de setembro, é dicir, a aprobación pola porta de atrás do reparto de cartos públicos entre Concellos amigos do Partido Popular, véxase o caso de Mondoñedo con máis de 300.000 euros, Deputados do PSOE reclamaron ter acceso aos asuntos da Xunta de Goberno de onte, 2 de outubro. O Secretario e o departamento de Actas facilitou a documentación oficial aos socialistas, podendo comprobar que a Presidenta Comisionista e Caciquil tiña prevista aprobar 11 convenios por un valor superior aos 2,5 millóns de euros para máis Concellos do PP, entre os que tamén están municipios dos que Deputados Provinciais populares son Alcaldes. (Castro de Rei, Barreiros, Begonte, Bóveda, Guntín, Outeiro e Rei, O Saviñao, Taboada, Vilalba, O Vicedo e Xove). Polo de agora, Candia non conseguiu culminar esta nova artimaña caciquil e partidista porque os propios técnicos provinciais a frearon ao alegar dúbidas que supuxeron que estes 11 convenios quedasen sobre a mesa da Xunta de Goberno de onte. Con todo, Candia convocou unha Xunta de Goberno Extraordinaria para o vindeiro martes, 6 de outubro, para aprobar convenios con Concellos, tal e como se pode comprobar na seguinte ligazón á páxina web da Deputación http://bit.ly/1OO0kwP
4.- Polo tanto, o Grupo Provincial Socialista reafirma e demostra que a Presidenta Comisionista e Caciquil tenta repartir 4 millóns de euros entre 18 Concellos do Partido Popular. Pola porta de atrás, Candia xa conseguiu repartir máis de 1,3 millóns de euros entre 7 municipios do PP, entre os que está Mondoñedo. Frustrado o seu intento de onte de repartir unha nova cantidade superior aos de 2,5 millóns de euros entre máis municipios gobernados polo PP, os socialistas están en alerta ante o que a Presidenta Comisionista e Caciquil tenta facer na sesión extraordinario que convocou para o vindeiro martes.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
