Burela, 4 de outubro de 2015.- Os tres puntos tampouco se lles resisten ás pupilas de Lucas a domicilio, que se impuxeron no seu primeiro desprazamento da liga ao Ciudad de Alcorcón (2-3) nun encontro no que levaron a iniciativa no electrónico e que decidiu a capitá, Maite, no último minuto.
Claudia xa adiantaba as mariñás no minuto 2, ao aproveitar un balón de Gaby desde a banda que repeleu o pau local. As de Alcorcón igualaron a contenda na súa primeira ocasión clara, combinación entre Pitu e Desi nunha recuperación. Cumpríase o minuto 7 de xogo e regresaba o equilibrio ao marcador, pero Gaby devolveulles a vantaxe ás galegas no 13, materializando ao segundo pau un saque de esquina de Maite, que xa inquedara as filas locais nunha contra fulgurante pola banda na xogada anterior.
Con 1-2 os goles resistíronse na segunda parte, pero as madrileñas conseguiron o empate de novo nunha recuperación preto da portería de Jozi, que culminou Aída. A escuadra de Lucas dispuxo de oportunidades para volver poñerse por diante, pero non foi ata o último minuto no que apareceu Maite, asistida por Ceci nunha contra iniciada por Gaby. O Alcorcón apostou por xogo de cinco con tempo para un disparo con barreira por falta de Shio no último segundo, que conseguiu bloquear a defensa burelista sen complicacións.
Ficha técnica
Ciudad de Alcorcón: Miri, Desirée, Natalia, Ro e Anita Luján (cinco inicial). Tamén xogaron Cris Llanos, Orive, Aída, Pitu, Belén e Vadillos.
CD Burela FS Pescados Rubén: Jozi, Gaby, Maite, Ceci e Claudia (quinteto inicial). Tamén xogaron Bea Mateos e Shiori.
Goles: 0-1, minuto 2, Claudia; 1-1, minuto 7, Desirée; 1-2, minuto 13, Gaby; 2-2, minuto 31, Aída; 2-3, minuto 39, Maite
Árbitros: Álvaro Alonso e Javier Montero do colexio madrileño. Amoestaron con cartolina amarela a Ceci e Shiori no Burela FS
Incidencias: Partido correspondente á terceira xornada de Primeira División RFEF, disputado en Los Cantos.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
