Dende hoxe, á lista de homes e mulleres comprometidos co servizo público súmanse tres nomes máis: Jesús Vázquez Almuíña (Sanidade), Ángeles Vázquez (Medio Rural) e José Manuel Rey (Política Social).
Renóvase o Goberno de Galicia cun equipo de dez consellerías, idéntico número a cando, no ano 2009, comezou o mandato do Partido Popular e tres menos das que tivo o bipartito.
Renóvase o Goberno galego para acentuar o seu carácter social, para adaptarse ao cambio de ciclo económico, para dar maior valor e peso específico ao medio rural e á pesca, e redefinir as prioridades sobre o territorio e os aspectos ambientais.
O presidente Feijóo explicou con grande acerto que o novo contexto para Galicia esixe novas políticas, actitudes e persoas. Unha renovación que impulsará a acción de goberno, revitalizando as áreas nas que hoxe os cidadáns esixen centrar as prioridades.
A estes dez homes e mulleres se lles encomenda o privilexio de traballar desde o Goberno galego. Pero xunto a eles e, entre todos, estamos obrigados a seguir avanzando, afondando na máxima eficiencia, na blindaxe dos servizos públicos e na busca dun camiño que nos permitira encarar a recuperación económica e facer que esta chegue a todos, en igualdade de oportunidades e condicións.
Todos sabemos que quedan moitos retos por diante. Tamén na Mariña lucense: en materia de infraestruturas sanitarias, viarias, na potenciación do emprego e dos sectores produtivos. No fortalecemento dos servizos públicos e de benestar. Deberes que seguirán a ser obxectivo deste novo Goberno.
A tarefa é esperanzadora pero difícil. E son moitas as galegas e os galegos que confían e así o esperan. O Presidente Feijóo ten demostrado unha vez máis que hai equipo. Hai ganas de seguir transformando Galicia a mellor.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
