Burela, 6 de outubro de 2015.- O CD Burela FS Pescados Rubén clasificouse para oitavos de Copa do Rei tras impoñerse este martes pola noite ao Parrulo FS (1-3), con hattrick de Chano. Ribera Navarra será o seguinte rival dos laranxas, que viaxarán a Tudela a próxima semana.
Este non só foi o partido do 11 burelista. “Foi un partido complicado. O traballo do equipo foi o que nos sacou adiante. Hoxe todos os xogadores demostraron unha grande actitude; todo o equipo estivo moi ben, aínda que nos faltou gol, xerando moitas ocasións” valoraba así a cita o técnico da Mariña, Daniel Ibañes.
O Pescados Rubén xa se puxo por diante no minuto 4 con Chano, que volveu ampliar distancias na recta final antes do descanso, abandeirando a aposta de cinco. No reinicio, os de Burela optaron por porteiro-xogador rozando a medianía do tramo e o 11 laranxa atopou o seu triplete fronte á portería ferrolá, no minuto 36. O Parrulo FS anotou o definitivo 1-3 nas zapatillas de Miguel Muñoz.
“Agora xa toca pensar en Zaragoza; espero que estas dúas últimas vitorias nos axuden tamén en estar máis acertados de cara á portería” facía referencia así Daniel Ibañes ao próximo compromiso dos mariñáns, o desprazamento en liga á pista do DLink Zaragoza (sábado 10, 13.00 horas, Teledeporte).
Emparellamentos de oitavos (13-14 de outubro):
Real Betis FSN – Movistar Inter
Mosteiro Bembrive – Catgas E. Santa Coloma
Silver Novanca – Peñíscola RehabMedic
FS Valdepeñas – Palma Futsal
P. Romero Cartagena – ElPozo Murcia
FC Barcelona Lassa – Magna Gurpea
Jaén P. Interior – D-Link Zaragoza
Aspil Vidal Ribera Navarra – Burela Pescados Rubén
Ficha técnica
O Parrulo FS: Canoli, Cagi, Rubi, Miguel, Jacobo, cinco inicial; tamén xogaron Álex, Isma, Chiva, Rubén, Aarón
CD Burela FS Pescados Rubén: Álex, Isi, Iago Rodríguez, Chino, Hélder, cinco inical; tamén xogaron Renato, Antoñito, Jorge, Chano
Goles: 0-1, minuto 4, Chano; 0-2, minuto 19, Chano; 0-3, minuto 36, Chano, 1-3, minuto 39, Miguel
Tarxetas amarelas: Polo Parrulo FS amarela a Cagi (minutos 5 e 33), Jacobo (38), Isma (39). Por Burela amarela a Isi (minuto 10).
Partido de 1/16 de Copa do Rei disputado na Malata (Ferrol)
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
