Santiago, 16 de outubro de 2015.- O presidente de Portos de Galicia, José Juan Durán, mantivo este venres en Santiago unha reunión de traballo coa alcaldesa de Viveiro, María Loureiro, para informarlle sobre as distintas actuacións e proxectos para o porto de Celeiro-Viveiro.
José Juan Durán informoulle á rexedora sobre a situación do proxecto de demolición das tres casetas emprazadas no porto. Neste senso, sinalou que neste momento está a piques de remitirse o proxecto de demolición e acondicionamento para, de seguido, levar a cabo a supervisión técnica e o seu posterior envío á asesoría xurídica co fin de recuperar as concesións. Así mesmo tamén se estudará a posibilidade de asinar un convenio co concello para a instalación dun emisario submarino en Celeiro.
En canto ás melloras nas instalacións portuarias, o presidente de Portos de Galicia informou da situación do procedemento de contratación do proxecto de medios de defensa e amarre para o porto de Celeiro, que neste momento está pendente da proposta de adxudicación. Convén lembrar que, segundo o proxecto presentado no seu día, a citada actuación terá unha segunda fase no ano 2016.
En canto á dragaxe do porto de Celeiro e das instalacións náuticas de Viveiro, xa se lle pasou ao organismo correspondente unha proposta sobre a zona de vertido. José Juan Durán insistiu en que son procedementos complexos nos que o ente público ten que cumprir coa normativa vixente na materia que, por outra parte, experimentou recentemente unha serie de modificacións que aumentan, aínda máis, a complexidade do procedemento.
Portos de Galicia é consciente da necesidade desas dragaxes pero, nesta fase, o organismo portuario limítase a cumprir co que está legalmente establecido e, ao mesmo tempo, comprende as molestias que esta situación pode xerarlle aos usuarios.
Finalmente, fíxose un repaso das actuacións levadas a cabo no porto, como foi o peche do local da confraría, o derrubo de varias casetas no Porto Vello e posterior creación dun aparcadoiro e a restitución e reforzo da escollera do dique de abrigo de Celeiro, entre outros. Estas actuacións supuxeron unha inversión que se achega aos 1,4 millóns de euros.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
