Lourenzá, 20 de outubro de 2015.- A Consellería do Medio Rural destinará un total de 19.046,5 euros a obras de mellora da rede viaria do concello laurentino. Así llo confirmou a conselleira Ángeles Vázquez á portavoz do Partido Popular, Emma Álvarez Chao, nunha xuntanza de traballo mantida en Santiago.
A concelleira popular interesouse polos investimentos da Consellería comprometidos co seu municipio na etapa en que ela foi alcaldesa e recibiu cumprida información por parte da titular de Medio Rural sobre as actuacións previstas. Nos vindeiros días asinarase co Concello de Lourenzá un convenio de colaboración, no que se levarán a cabo as obras que, a día de hoxe, están pendentes de realizar e que están encamiñadas a arranxar os danos ocasionados polas choivas que se produciron o pasado 4 de decembro. Concretamente, as obras a realizar son dúas pontes no lugar de Lanzós, en San Adriano, e no lugar de Batán, en Santo Tomé. Con anterioridade, no mes de xullo, dende a mesma Consellería actuouse no lugar da Tilleira na parroquia de Santa María no levantamento dunha escollera e na realización dun muro de peche.
Mediante este convenio a Consellería asume a realización, con cargo aos seus orzamentos, das obras sinaladas, mentres que o Concello comprométese a poñer a disposición da Xunta os terreos necesarios para a execución das actuacións, así como os correspondentes permisos e autorizacións para levalas a cabo.
Estes fondos comprometidos pola Consellería permitirán volver a normalidade a rede viaria de Lourenzá, xa que a día de hoxe aínda permanecen cortadas dúas estradas secundarias que ocasionan un importante trastorno aos usuarios das mesmas dende o mes de decembro do ano pasado.
Dende o Partido Popular de Lourenzá lamentamos o retraso na execución das mesmas, así como a pasividade e a falta de interese do Goberno local que non mostrou nin o máis mínimo interese dende que son goberno por estas obras. Por último, pedímoslles aos nosos veciños unha pouca máis de paciencia na recta final desta actuación, que permitiu un aforro superior aos 38.000 ao asumir a responsabilidade do Concello a Consellería de Medio Rural.
Agardamos que no prazo máximo de dous meses estas obras sexan xa unha realidade e, tamén, que o novo equipo do Goberno local asuma as súas funcións, dunha vez por todas, e se interese polas necesidades dos seus veciños a fin de darlles solución. Mentres tanto, o Partido Popular de Lourenzá, dende a oposición, non deixará de velar polos intereses dos laurentinos.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
