A Consellería do Medio Rural desenvolverá un plan de formación específico para facilitar a participación directa dos medios de emerxencias dentro das accións de vixilancia e control da vespa velutina. Ademais, levará a cabo unha campaña de información á cidadanía, concellos e sectores afectados, para asegurar a detección temperá dos niños e para que se coñezan axeitadamente os perigos reais desta especie.
A maiores, promoverase a investigación na materia, co obxecto de atopar novos medios de loita máis selectivos e efectivos e, ao mesmo tempo, respectuosos co medio ambiente. Tamén se creará un comité de seguimento da problemática da vespa velutina, no que se integren as unidades da administración afectadas (Medio Ambiente, Medio Rural, Vicepresidencia e Sanidade), os representantes do sector apícola, e expertos entomólogos que asesoren nas medidas correctas a tomar, así como os Grupos de traballo que sexan necesarios no marco do dito comité.
Como mostra do compromiso da Xunta co sector, a conselleira aproveitou para anunciarlles que no ano 2016 se incrementarán en máis dun 10% as axudas establecidas no marco do Plan Nacional Apícola, como medida de apoio que axude a paliar os danos ocasionados.
Todas estas medidas foron tratadas na xuntanza de traballo mantida esta tarde pola conselleira do Medio Rural, Ángeles Vázquez, coas asociacións do sector apícola de Galicia para valorar a problemática deste sector e, en particular, a situación existente respecto á vespa velutina. O encontro –o primeiro que celebra a nova titular de Medio Rural con este sector– serviu tamén para recoller as súas achegas, así como para dar conta dos resultados do programa de vixilancia e control deste insecto por parte da Xunta, e informar das xestións que se están a realizar cara á súa mellora.
Ao encontro de traballo estaban convocados representantes da Agrupación Apícola de Galicia, Asociación Provincial Lucense de Apicultores e Asociación Galega de Apicultura. Sen embargo, os responsables desta última declinaron no último momento asistir á xuntanza, deixando plantada tanto á conselleira como ao resto do sector, nunha actitude que a Xunta ten que lamentar, pois en todo momento mantivo o obxectivo de sentar en torno á mesma mesa a todo o sector apicultor.
Máis de 6.000 avisos en 2015
A través do operativo establecido pola Xunta de Galicia para minimizar os efectos deste insecto, durante o ano 2015 recibíronse no servizo de Atención e Información á Cidadanía, 012, un total de 6.327 avisos relacionados coa vespa velutina, que foron oportunamente tramitados.
Despois da correspondente avaliación, como consecuencias das actuacións directas da Xunta de Galicia, retiráronse ou inactiváronse 2.715 niños, o que supón un importante esforzo no control desta especie.
Por outra banda, a Consellería do Medio Rural distribuíu nos meses de febreiro e marzo 1.300 trampas e 1.300 envases de líquido atraente aos apicultores dos concellos nos que se detectaran niños en 2014, co obxecto de recoller raíñas da especie no trampeo de primavera, e outras 1.500 trampas e 1.500 envases de líquido atraente aos apicultores dos concellos nos que se detectaron niños en 2015, e que non recibiran trampas no trampeo de primavera, para a recollida de futuras raíñas no trampeo de outono. Ademais, a Xunta, mediante medios propios, colocou máis de 100 trampas adicionais nas zonas onde se detectaran máis niños, recolléndose nelas no ano 2015 87.834 exemplares de vespa velutina.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
