27 de outubro de 2015.- Os Fornos, que maxestuosos presiden a acolledora Praza do mesmo nome en A Pontenova, convertéronse unha vez mais en mudas testemuñas da 3ª xornada da LNB da Conferencia Norleste, que se celebrou o sábado 24 de outubro e donde destacou Iván de Pena Verde, que foi quen de gañar e facerse ca artística Navalla de Campión individual do Aberto.
Estupenda xornada ca participación de medio cento de palanadores dos distintos equipos, na que se botou en falta xente dos Carabullo por estar nunha ceremonia de cabodano, acompañando a Santi, para quen tiveron unha garimosa lembranza e unha aperta.
Os ceos anubrados con ameaza de choiva, e de feito un lixeiro barruzo fixo acto de presenza cando xa estaban xogando, pero por sorte só foron unas poucas pingas e poidemos finalizar a xornada sin maiores contratempos.
As carreiras sucedéronse rápidamente, de feito debeu ser unha das xornada mais rápidas. Cambia o conto de xogar en prado (como foron as derradeiras xornadas), a facelo nunha superficie lisa, ainda que sexa de adoquín ou de lousa; chégase ao varal en moitos menos golpes, tanto é así que cando se quixeron dar conta xa tiñan rematado o encontro.
Ben, pois como xa queda dito, Iván foi o gañador con 23 puntos. Xa tiña o podio asegurado, so pendente de se era primeiro ou se tiña que xogar un desempate, en caso de que Regueiro (Troitas Bravas) fixera cinco puntos na derradeira carreira. So fixo catro, cos que sumaba 22, daquela quedaba no segundo posto. Seguían na puntuación Daniel (Billardeiros Musicais) e Noé (Troitas Bravas) con candanseus 21 puntos, estes si que tiveron que desempatar a dúas carreiras máis para chegar o 3º caixon. Foi Daniel quen se mostrou mais seguro e se fixo co posto.
En donas a mellor foi máis unha volta Geni (Billardeiros Musicais), seguida de Bea (Troitas Bravas) e de Lucia (Remourelle Bulls).
En canto a equipos, dominaron a xornada os Billardeiros Musicais seguidos de Troitas Bravas e de O Cadaval.
Os agasallos para os gañadores foron entregados polo concelleiro de cultura de A Pontenova que estivo acompañado en todo momento por Regueiro do equipo anfitrión.
Primeiros (absoluto, donas e equipo) Navalla artesana de J. Rodil.
Segundos (absoluto e donas) cerámica do forno.
Terceiros (absoluto e donas) metacrilato con escudo do Concello de A Pontenova. Tamen se entregaron como trofeo unhas espigas de millo corvo traídas expresamente de Bueu para a ocasión.
Co berro de Billarda sempre! e agardando xa pola vindeira xornada de San Miguel de Reinante o 14 de novembro recadaron varales, paláns e billardas e deixaron a fermosa praza dos Fornos ata o ano.
As clasifiacións logo desta terceira xornada quedan asi:
Individual: Regueiro 63 p., Daniel 62 p., Pepe Vidal 57 p., Pepe Outeiro 56 p., Manolo Pozo 54 p.
Donas: Geni 41 p., Bea 24 p., Lucia 18 p.
Equipos: Billardeiros Musicais 225 p., O Cadaval 200 p., Troitas Bravas 159 p.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
