Ribadeo, 29 de outubro de 2015.- O alcalde, Alfredo Llano, asegura que o Concello quere ter en funcionamento o antes posible a gardería actualmente en construción, pero amósase preocupado polo que, asegura, é unha competencia impropia para a administración local e da que debería encargarse a Xunta. Ademais, o rexedor di que as condicións económicas da obra e do posterior financiamento da instalación deben revisarse e que hai gastos non contemplados que hai que aclarar.
Llano explicou que “nestes últimos tempos estamos preocupados por saber quen nos pode informar de como está desenvolvéndose o tema da gardaría, xa que houbo cambios na Consellería correspondente. Xa expresamos a nosa preocupación, derivada dun convenio que existía e que condiciona moitísimo economicamente ao Concello, que asume unha competencia impropia. Non lle corresponde para nada ao Concello de Burela, e ademais hai unha lei do ano 2013 do propio goberno central onde indica que ese tipo de convenios quedaban anulados, dado que non se podía corresponder co que era a Lei de Racionalización. Estes días estou intentando poñerme en contacto con responsables da Consellería para que nos indiquen cando podemos ir ata Santiago ou que veñan eles a Burela, que non hai ningún problema en que viñeran ata aquí e analizar dentro do propio edificio e no contorno o que nos preocupa, e chegar ao mellor porto posible”. O alcalde burelés subliñou que “a nosa intención é rematar a obra e rematala ben e que se poña a funcionar o antes posible, pero loxicamente hai que acondicionar o inmoble e hai que facelo nuns termos económicos e de funcionamento que cremos que debemos revisar”.
O rexedor indica que son varias as cuestións que preocupan ao goberno municipal con respecto á construción e ao funcionamento futuro da instalación: “hai unhas melloras que hai que facer no interior, que non estaban contempladas no proxecto inicial, que agora hai que asumir como unha cuestión a maiores e aportar unha cantidade de cartos que antes non estaba contemplada. Hai tamén unha zona de esparexemento no exterior do edificio que corresponde mellorar, preparar e adecuar porque é unha zona a onde deben ir os rapaciños xogar cando haxa bo tempo. Hai que preparala, agora mesmo non está preparada e isto vai custar unha serie de cartos que tampouco estaba contemplado no proxecto inicial. Hai outra cuestión que tampouco se contemplou, que me parece estrañísimo, que foi a colocación de luz de obra. Nin sequera houbo luz de obra durante todo este tempo de construción e iso trae uns gastos a maiores debido a que teñen que levar un produtor de electricidade, unha máquina que gasta combustible e encarece o prezo”.
Llano seguiu a relatar que “o enlace de pluviais e residuais á canalización do pobo tampouco estaba contemplado nos orzamentos e tamén imos ter que asumila. Tamén nos preocupan os gastos de funcionamento unha vez se abra a gardería e se poña a funcionar”.
O alcalde de Burela reitera que “o Concello está moi interesado en que esta nova escola infantil poida funcionar o antes posibles. É unha demanda dos propios veciños, penso que agora mesmo é necesaria e queremos darlle para diante con urxencia e que as cousas estean ben feitas. Pero hai outra cuestión, de fondo, que son as condicións nas que se está producindo e facendo a construción e levando os que serán despois os gastos de mantemento, as obras complementarias que se deben facer para adecuar o edificio á fin á que se vai dedicar, que é unha gardería. Os gastos que se derivan e que non estaban proxectados é algo que nos está preocupando”.
Alfredo Llano engadiu que “hai unha cuestión que non queremos pasar por alto, as competencias que debe ter o Concello en materia de educación, formación, igualdade e benestar. É algo que lle debe preocupar á Consellería e non que a Consellería endose gastos que non lles corresponden aos concellos. É o que queremos negociar agora mesmo cos novos responsables da Consellería de Política Social e chegar a un acordo, eliminando ou chegando a acordos xa digo, porque hai que procurar facer as cousas o mellor posible, pensando no que é o ben común, o bo para todo o pobo, e pensando niso como fondo, chegar a un acordo onde se vexa que o Concello debe saír beneficiado na cuestión que lle corresponde e a Xunta tamén, pero hai que concluír a obra e hai que concluíla ben. Canto antes nos poñamos de acordo, moito mellor”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
