A Xunta de Galicia pretende promover un modelo de atención á infancia no rural que facilite a conciliación da vida familiar e laboral, de xeito que axude a fixar poboación moza nos pobos e aldeas.
Así, coas casas-niño a Xunta inicia un proxecto pioneiro nas provincias de Lugo e Ourense para poñer a disposición das familias do rural uns servizos de coidado da infancia, de 0 a 3 anos de idade, naqueles concellos nos que non existen nin escolas infantís nin Puntos de Atención á Infancia (PAI), ao tempo que se potencia a posta en funcionamento de novas iniciativas empresarias en zonas rurais. Este modelo xa foi aplicado con éxito en varios países europeos e noutras comunidades do Estado, como Euskadi.
As casas-niño son domicilios particulares acondicionados axeitadamente para garantir todas as necesidades e a seguridade dos menores de 3 anos, e nos que unha persoa con formación no coidado á infancia acolle a un número reducido de nenos e nenas. Non teñen horarios estandarizados, senón que se adaptan ás necesidades de cada familia, e ofrecen atención persoal, educativa e social.
Para que as casas-niño sexan realidade no 2016 estase iniciando a formación dos potenciais interesados, unha formación especialmente dirixida a persoas en situación de desemprego que queiran apostar por unha iniciativa deste tipo.
Nestes momentos estanse a impartir en Lugo dous cursos, un de formación complementaria, para persoas que xa contan con titulación específica previa relacionada con este ámbito, e outro curso de formación integral, de 400 horas de duración. A delegada territorial, Raquel Arias, visitou este xoves ás alumnas que participan nesta actividade.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
