Lugo 7 de novembro de 2015.- O presidente provincial de Novas Xeracións, Daniel Vega, pediu este sábado que o Goberno local de Viveiro atenda á petición dos mozos e que, -unha vez finalizada a cesión por parte da Xunta-, habilite unha parte do antigo centro comarcal para a creación dun viveiro de empresas que permitirá crear na localidade “máis riqueza e máis futuro”. Vega defende a necesidade de que saia cara adiante esta aposta tanto da agrupación local de NN.XX. como do PP municipal á que define como “un proxecto vital para que os mozos se establezan en Viveiro e inicien aquí o seu futuro”.
O presidente provincial da formación política xuvenil explicou que “tanto NN.XX. como o Partido Popular temos o mesmo horizonte, o de pensar nos mozos e o de crearlles oportunidades e emprego”. Así, esta mañá tanto Novas Xeracións como o Partido Popular avanzaron na súa proposta de que se cree un viveiro de empresas, o que se convertería “nun valor engadido para o concello” e, tendo en conta a maiores, que non existe ningún centro deste tipo na comarca.
O presidente local de Novas Xeracións, Antonio Lage, xa reivindicara esta necesidade “na que hoxe insistimos, co reforzo dos mozos a nivel provincial, para evitar que a xuventude se marche de Viveiro. Son necesarios proxectos futuros, que xeren riqueza e emprego, e que eviten a fuga de cerebros da localidade”. Lage explicou que este viveiro de empresas “non só se convertería en zonas para que os emprendedores mozos iniciasen os seus proxectos, senón tamén nun centro de información e asesoramento, con charlas específicas”. O presidente local asegura que tras darse a coñecer esta iniciativa “recibín chamadas de universidades, confederacións … brindándonos apoio. Veno como unha aposta frutífera a todos os niveis”.
Moción
No acto celebrado este sábado diante do antigo centro comarcal, ademais de Daniel Vega e Antonio Lage, tamén participaron o coordinador comarcal de Novas Xeracións, Roberto Fernández, así coma o voceiro do PP Local, Antonio Bouza, e membros do grupo municipal do Partido Popular.
Bouza explicou que esta aposta de Novas Xeracións é compartida polo grupo municipal do Partido Popular que a integrou no seu programa electoral. Neste senso, canalizará esta petición a través dunha moción que levarán ao próximo pleno municipal e na que instan ao Goberno local que, unha vez finalice o traspaso do edificio ao concello, a alcaldesa inicie as xestións necesarias para que “unha parte deste edificio se poda converter nun viveiro de empresas”. O popular aclara que non é necesario todo o inmoble para promover esta iniciativa, senón que serían suficientes con cinco ou seis locais e “mesmo a parte baixa xa estaría acondicionada, polo que o custo sería menor”. Bouza engadiu que “é necesario que se xere riqueza e emprego, e que se asenten empresarios”, en definitiva, “traballamos para o futuro de Viveiro”.
Conferencias
O presidente de Novas Xeracións de Viveiro anunciou tamén que en continuidade coa liña de traballo dirixida a incentivar a economía local, dende a formación xuvenil tamén se están a organizar unha serie de conferencias e a primeira delas celebrarase o próximo venres 13 de novembro. Neste encontro participarán, a Asociación de Xóvenes Empresarios, a Asociación de Emprendedores de Galicia e unha iniciativa empresarial, que acadou recoñecemento, de criadeiro de roedores ubicada nas Pontes.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
