Imaxe da web da Burela Blues Band
BURELA .- O director da Burela Blues Band (BBB), Israel Arranz Carreño, disipa as dubidas expostas polo grupo municipal do PP de Burela sobre a actuación da banda en Lourenzá, coincidindo coa Festa da Faba. Arranz Careño explica que o contrato para a citada actuacións e formalizouse o 30 de xullo e que o 26 de setembro, ó estar pechada a Escola de Musica, alumnos e pais de alumnos menores de idade, tomaron a decisión.
Este colectivo manifesta a “nosa unánime decepción e indignación” polo manifestado polo PP e aseguran que non comprenden “como o grupo municipal do PP, que me merece todos os respectos, e que axudou a que esta agrupación vira a luz, pode caer na trampa de dar por certo as falsidades que alguén, de xeito moi mal intencionado e sen ter nin idea do funcionamento da BBB, lles filtrou”. Finalmente propóñenlle ao PP “que en lugar de escoitar informacións falsas sobre a nosa agrupación, viñesen a algún dos nosos concertos, pois a música sempre senta ben ao espírito”.
Nota de Prensa
A BURELA BLUES BAND EN LOURENZÁ
Burela, a 10 de Outubro de 2009
Son Israel Arranz Carreño, o director e fundador da Burela Blues Band, e quero saír ao paso das mentiras vertidas polo GMPP no artigo titulado “O PP ve “anormal” a actuación da Burela Blues Band en Lourenzá na Festa da Faba”
En primeiro lugar, a actuación en Lourenzá foi asinada por min, como máximo representante da agrupación, o día 30 de xullo de 2009 (Teño a folla do contrato para que os membros do GMPP de Burela que o crean oportuno podan consultar). Como poden entender, o día 30 de xullo non podía saber se o día 1 de outubro a Escola ía estar pechada, así que a día 26 de setembro, convoquei ós alumnos da Burela Blues Band e ós pais (dos que son menores de idade), onde decidimos:
1.Que os alumnos irían e voltarían cos seus pais nos seus coches particulares, facéndose deste xeito responsables deles.
2. Que cada un levase o seu propio instrumento e no meu coche particular e no de un dos pais levaríamos o meu material da miña propiedade, do que, por certo, se leva beneficiando a Escola de Música dende que eu traballo, no curso 2004-2005 (batería, piano, teclado sintetizador, vibráfono, malletKAT, amplificadores, baixo eléctrico, cables, soportes, güiras, shaker, etc), xa que se non, non podería haber grupo de jazz.
3. Que os compoñentes tiñamos a comida pagada e que os pais pagarían a súa.
4. Que cos cartos recibidos mercaríase un equipo de megafonía para uso e disfrute de toda a ESCOLA DE MÚSICA MUNICIPAL DE BURELA.
Estas catro decisións, o GMPP pode verificalas, simplemente falando cos pais dos alumnos da BBB. Por tanto, non podemos entender as afirmacións vertidas no citado artigo.
Consideramos moi importante aclarar estas cuestións, dada a grande preocupación que amosou o PP de Burela sobre quen se tiña responsabilizado dos nenos na viaxe a Lourenzá e sobre a anomalía desta actuación, dado que a Escola de Música estaba pechada. Entenderán que o feito de que este concerto se levase a cabo, foi iniciativa de todos os pais e nais, e consensuada previamente comigo, como responsable da agrupación, polo que non se deben buscar responsabilidades políticas nunha actividade que foi iniciativa dun grupo de persoas con liberdade para decidir o que facer no seu tempo libre e cos seus propios instrumentos musicais. Tampouco entendo como chegan a afirmar que se utilizou material da Escola, cando isto é completamente falso, posto que todo o instrumental é propiedade dos rapaces e miña, dándose precisamente o caso contrario, que a Escola de Música ven utilizando material profesional de gama alta que eu cedo voluntariamente para que as actividades musicais se podan desenvolver nas mellores circunstancias posibles.
Estas declaracións que fai o PP de Burela provocaron unha nova xuntanza…
Como resultado de dita reunión, quero trasladar no nome de todos os pais e integrantes maiores de idade, e no meu propio, a nosa unánime decepción e indignación polo citado en dito artigo. Síntome totalmente respaldado por eles e non teño nada que ocultar, infórmense minimamente antes de falar dunha agrupación disciplinada e seria na programación, traballo, organización e interpretación que depende do material do seu profesor. Os alumnos, que cada vez son máis, están moi motivados e para min iso é a máxima satisfacción.
Por último non chego a comprender como o GMPP, que me merece todos os respectos, e que axudou a que esta agrupación vira a luz, pode caer na trampa de dar por certo as falsidades que alguén, de xeito moi mal intencionado e sen ter nin idea do funcionamento da BBB, lles filtrou. Resulta curioso que o PP coñeza ata as persoas que participan nesta formación. Recomendaríalles que en lugar de escoitar informacións falsas sobre a nosa agrupación, viñesen a algún dos nosos concertos, pois a música sempre senta ben ao espírito.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
