Burela, 17 de novembro de 2015. A Concellaría de Servizos Sociais convoca o IX Concurso de Microrrelatos 25 de novembro: día internacional para a eliminación da violencia contra as mulleres. Establécense dúas categorías: menores e maiores de 18 anos e dous premios: 75 e 150 euros. O prazo de recepción de traballos remata o 20 de novembro.
As bases para poder participar son as seguintes:
1.- Establécense dúas categorías para os participantes.
1ª.- Menores de 18 anos.
2ª.- De 18 anos en diante.
2.- A temática dos microrrelatos deberá axustarse ao lema proposto.
3.- Os traballos presentaranse en tamaño A4, cunha extensión máxima de medio folio, preferiblemente en Times New Roman tamaño 12, en lingua galega segundo a normativa vixente.
4.- Todos os traballos que se presenten serán inéditos e non presentados en anteriores concursos.
5.- Os criterios de valoración para elixir os microrrelatos premiados serán o contido e tratamento do tema, orixinalidade, expresión e presentación en xeral.
6.- Os orixinais presentados quedarán en poder do CIM do Concello de Burela, que se reserva o dereito da súa publicación, exposición, doazón… ou calquera outro tratamento posterior, sempre sen ánimo de lucro.
7.- Dos microrrelatos presentados, un xurado composto por persoas do mundo da cultura e das letras, do Concello e do CIM decidirá cales son as dúas persoas gañadoras. Os premios consistirán en :
– 75€, na categoría de menores de 18 anos.
– 150€, na categoría de maiores de 180 anos.
8.- Os microrrelatos, asinados cun pseudónimo, deberán entregarse antes do día 20 de novembro no CIM do Concello de Burela, R/ Eijo Garay, 20. Deberán ir nun sobre ao que se adxuntará outro pechado no que figurarán os datos da persoa autora do microrrelato.
9.- Os premios daranse a coñecer no acto público que para conmemorar o Día Internacional Contra a Violencia de Xénero terá lugar o 25 de novembro no Auditorio da Casa da Cultura. Os gañadores deberán de estar presentes no acto de entrega dos premios.
10.- A participación neste concurso supón a aceptación de todas as súas bases.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
