Lugo, 26 de novembro de 2015.- A delegada territorial, Raquel Arias, participou na tarde deste xoves nas Xornadas contra a violencia de xénero que a asociación Mulleres en Igualdade Cervo organizou na Casa da Cultura de San Cibrao, desde onde condenou calquera tipo de violencia contra ás mulleres.
“A concienciación e a educación”, dixo a delegada durante a súa intervención, “xogan un papel fundamental na loita contra a violencia machista, e temos que asumir que queda moito por facer ao respecto porque aínda hai mozos que están a reproducir roles que considerábamos superados. A solución, polo tanto, é educar en valores de igualdade”.
“Hai que lograr unha repulsa xeneralizada a este tipo de comportamentos”, recalcou, “non só nos días de loito pola lamentable perda dunha muller a mans da súa parella ou exparella, senón todos os días do ano, porque a erradicación da violencia de xénero é un problema que depende da sociedade no seu conxunto”.
Arias tamén informou de que “a Xunta pon a disposición das vítimas de agresións machistas axudas económicas e servizos de apoio, fundamentalmente psicolóxico, para que as mulleres que sofren esta clase de violencia teñan amparo e poidan sobrepoñerse sen depender economicamente dos seus agresores”. En Galicia, este ano, son 372 as beneficiadas por algunha subvención deste tipo.
No ámbito da concienciación, a Xunta de Galicia lanzou diversas campañas institucionais que, segundo explicou a delegada, “son necesarias” para que a poboación sexa realmente consciente do gran problema social que representa a violencia de xénero.
Colaboración e coordinación
A colaboración e coordinación das institucións e axentes implicados na prevención e tratamento da violencia contra a muller, así como na atención ás vítimas, son moi necesarias. Segundo destacou a delegada, “é especialmente importante que a axuda chegue desde o entorno máis próximo”.
Nos orzamentos do vindeiro ano contémplase unha partida de axudas destinadas aos municipios para que financien medidas e actuacións dentro dos programas de fomento da conciliación da vida persoal, laboral e familiar; de prevención e tratamento integral da violencia de xénero; e de apoio aos centros de información ás mulleres (CIM).
“Coido que todos estamos de acordo en que o ámbito municipal e o máis próximo aos cidadáns e, en consonancia, é o que mellor coñece a situación específica da súa poboación. Polo tanto, tamén é o ámbito idóneo para o desenvolvemento de accións tendentes a garantir a igualdade entre mulleres e homes, a prevención e a erradicación da violencia de xénero, así como para o establecemento das condicións que posibiliten a participación das mulleres na vida política, económica, cultural e social”, explicou a delegada da Xunta.
Nesta liña de colaboración e proximidade, Arias tamén calificou de “avance importante” a recente presentación da Guía práctica para a constitución das mesas locais de coordinación interinstitucional contra a violencia de xénero. Servirá de base para a creación e posta en funcionamento das Mesas Locais de Coordinación, un instrumento co que mellorar a detección precoz dos casos de violencia, optimizar a coordinación dos axentes implicados e ofrecerlles unha atención e unha resposta áxil ás vítimas. “Todo”, dixo a delegada, “en aras de mellorar en axilidade e eficacia”.
A delegada reiterou a necesidade de traballar coordinados e puxo como exemplo os acordos subscritos co Ministerio do Interior, que permitirán a integración do Punto de Coordinación de Ordes de Protección da Xunta co sistema de Seguimento Integral nos Casos de Violencia de Xénero (VioGén) do Estado, así como a colaboración entre a Xefatura Superior de Corpo Nacional de Policía en Galicia e a Policía Autonómica.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
