Cervo, 1 de decembro de 2015.- A praia de O Torno, en San Cibrao, foi recoñecida co distintivo Ecoplaya, outorgado pola Asociación Técnica para la Gestión de Residuos y Medio Ambiente (Ategrus), o que a converte no primeiro areal da provincia de Lugo en contar con esta bandeira. Así o anunciaron este martes o alcalde de Cervo, Alfonso Villares, e a concelleira de Medio Ambiente, Manuela Méndez, que se amosaron convencidos de que as praias do municipio son un dos seus grandes atractivos turísticos.
“O Concello de Cervo acaba de recibir esta semana unha noticia importante no eido do turismo, xa que conseguimos para a praia do Torno, en San Ciprián, un premio bandeira Ecoplaya, nunha reunión que outorga este tipo de galardóns que tivo lugar a finais do mes de novembro. En concreto é a asociación Ategrus, que integran entidades públicas e privadas. Moitas praias están gozando deste galardón a nivel nacional, aínda que en Galicia non hai moitas; a nosa é a primeira praia da provincia de Lugo que o ten. En Galicia hai outras, como en Nigrán, e tamén algunhas praias na Coruña, en Ortigueira e na Guarda. É un distintivo que vai no camiño de poñer en valor todos os atractivos turísticos que ten este municipio, e un deles sen dúbida ningunha son as nosas praias, en concreto esta Praia do Torno”, sinalaron o rexedor e a edil de Medio Ambiente.
Villares e Méndez engadiron que “para recibir este premio necesítase reunir unha serie de características, nas que se valora ter a Bandeira Azul, como tivemos o ano pasado. A distinción Ecoplaya vai un pouco máis adiante, pois a maiores dos distintos requisitos que se precisan para a Bandeira Azul hai outros, mesmo nas instalacións que hai que ter na praia e nos traballos que se fan de mantemento, que foi algo que valorou o xurado de Ecoplaya para darnos este galardón para a nosa praia neste próximo ano. Para nós é unha satisfacción enorme ter este galardón, nese camiño de traballar para que o noso Concello se poña en valor turisticamente. Somos un municipio que ten mar, que ten interior tamén, ríos, moitos atractivos turísticos, históricos e culturais, que poñer en valor para que a xente de fóra se achegue a visitarnos nas épocas que consideran oportunas”.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
