Cervo, 3 de decembro de 2015.- A Casa do Concello, en Cervo, e a Casa da Cultura, en San Cibrao, expoñerán os beléns de plastilina que farán nenos e nenas o vindeiro luns, día 7. Ademais os días 21, 22, 23, 28, 29 e 30 deste mes haberá as actividades denominadas Enredos de Nadal.
A concelleira de Cultura e Educación, Dolores García Caramés, anunciou este venres que “o Concello de Cervo estrea as actividades de Nadal cos tradicionais beléns de plastilina que serán elaborados este vindeiro luns, 7 de decembro, polos nenos e nenas en San Ciprián en horario de mañá, a partir das 11:30 horas, e en Cervo en horario de tarde, a partir das 17:00 horas. Estarán expostos na Casa do Concello e na Casa de Cultura durante estas datas. Estes peculiares nacementos elaborados con masa plástica son unha das actividades tradicionais que organiza o Concello nestas datas e na que os nenos e nenos participan desenvolvendo a súa creatividade e poñendo en práctica as súas destrezas á hora de plasmar personaxes ou obxectos con esta masa. O resultado son figuras con cores que adornan os recibidores de ambos edificios públicos. É unha forma orixinal de dar a benvida aos cidadáns que se acercan alí e toda unha satisfacción para os seus autores, que saben que o Concello mantén as súas pequenas obras de arte expostas durante as festas de Nadal. Para participar na elaboración dos beléns de plastilina as inscricións xa se enviaron aos colexios, pero tamén as hai na Casa do Concello, en Cervo, e en San Ciprián, na Casa do Mar”.
En canto ao programa Enredos de Nadal, Dolores García explicou que o Concello de Cervo “volverá ofrecer os Enredos os días 21, 22, 23, 28, 29 e 30 de decembro en horario de mañá na Casa do Mar. Crearanse dous grupos: un para alumnos de Infantil, de 11 a 12:30 horas, e outro para os de Primaria, de 12:30 a 14 horas. É un programa que pon en marcha a Delegación de Educación durante os períodos de vacacións escolares e nesta ocasión as actividades estarán centradas no Nadal, de forma que participarán en talleres de cociña, xogos e manualidades. Os Enredos son un programa dedicado especialmente ao público infantil e todos os anos teñen moita afluencia, igual que se prevé nesta edición, para a que xa hai nenos apuntados pero o prazo segue aberto ata o mesmo día das actividades. Esta semana xa se facilitaron as follas de inscrición nos colexios para procurar que a información chegue a todos os fogares con nenos e nenas e hainas tamén na Casa do Concello, en Cervo, e na Casa do Mar de San Ciprián”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
