A Liga de Bolos de Xove despídese ata o 2016

Nova vitoria de Arturo Vigo, vixente campión, coa que consegue ascender ao 6º posto. Seguimos contando cun sólido líder, que con 77 puntos, 19 máis que o segundo clasificado (Sócrates Campo con 58 puntos), fai que camiñe con páso sólido cara o campionato. Se mantén a regularidade amosada ata o momento, vai ser moi difícil que a Rafa se lle escape a vitoria final.

Interesante tamén o cuarto posto de Javier Rodríguez con 51 puntos, cunha traxectoria de menos a máis durante o que vai de liga, conseguindo superar esta semana ao seu irmán Moisés, que perdeu fuelle nestas dúas últimas tiradas.

Liga Sénior Feminina
Nova vitoria de Salomé CArdoso, grazas á que consegue recuperar un punto á segunda clasificada (Belén Meitín), manténdose sólidamente unha semana máis no campionato. Iso sí, estando a tiro de Belén. Esta última está conseguindo abrir brecha con respecto a Salomé Bermúdez, sacándolle 8 puntos, vendo tamén como se lle achega por detrás Carmen Roca.

A falta de 7 tirada para rematar o campionato, semella que temos dous grupos no alto da clasificación: un formado por Salomé Cardoso e Belén Meitín que pelexarían polos dous primeiros postos, e outro formado por Salomé Bermúdez e Carmen Roca que loitaría pola 3ª praza final. Aïnda así queda moito terreo e a clasificación aínda pode dar un xiro.

Liga Sub 16
Algúns dos xogadores desta Liga parece que espertaron e a novidade é que, por terceira semana consecutiva, o sólido líder desta categoría non consigue gañar. Novamente, foi Miguel López quen conseguiu imporse na tirada, relegando a Daniel Alonso á segunda posición.

A vantaxe que aínda ten Daniel antóxasenos importantísima para que poida ser superado nas tiradas restantes. Con todo é sinal de alegría que vaian aparecendo alternativas e que xogadores excelentes coma Miguel vaian medrando e collendo confianza. De feito, esta categoría está pensada para introducir aos nen@s e moz@s neste deporte e preparalos para que no futuro poidan competir nas grandes ligas. Daniel Alonso é evidente que xa está preparado e ten o suficiente nivel neste momento para competir na Liga Sénior. E Miguel López, vai polo mesmo camiño.

A vindeira tirada vai ter lugar no CLUB PALMEIRO (A RIGUEIRA), xa no próximo ano, o sábado 9 de xaneiro de 2016.