Cristóbal Rodríguez colga a medalla de bronce, e a de prata coa selección, no Open de Portugal de Pentatlón Moderno

15 de decembro de 2015.- Cristóbal Rodríguez volveu demostrar este fin de semana por que é o mais Internacional de todos os pentatletas españois coa obtención da medalla de Bronce individual no Open de Portugal, o deportista Galego natural de Viveiro chegaba a Anadia, en Coímbra, o Venres tarde tras aterrar tan só unhas horas antes procedente de Barcelona. Graduado en Enxeñeiría, este mozo galego de 24 anos viña de realizar dous exames de posgrao cuxos estudos na Universidade Politécnica de Catalunya ten que compatibilizar cos duros adestramentos que require a alta competición entre o Centro de Tecnificación Deportiva de Pontevedra ás ordes de Omar González e o CAR de Barcelona, aínda así el amósase satisfeito e optimista e recorda o que sempre lle inculcaron os seus proxenitores: “sen esforzo non hai nada”.

A competición, que deu comezo o sábado ás nove da mañá, hora de Portugal, iniciábase coa proba de esgrima na cal con tan só un combate de diferenza co portugués Afonso Pegado o deportista de Viveiro obtiña o segundo posto.
A continuación e co tempo axustado para realizar os preparativos necesarios daba comezo a proba de natación en cuxa proba nin o Equipo Nacional de Brasil nin o de Turquia puideron facer nada para evitar que Rodriguez se alzase nesta proba co primeiro posto.

Así as cousas, chegouse á proba combinada que axunta carreira e tiro e que sería a decisiva para o pase da gran final do domingo, o pistoletazo de saída foi ás catro da tarde e desde a primeira secuencia de disparo e carreira a proba cortouse marchando por diante un grupo duns vinte pentatletas de diferentes nacionalidades e en cuxo grupo entrou o pentatleta de Viveiro, no ultimo parcial como o grupo cabeceiro non se rompía Rodríguez lanzou un ataque ao que só responderon Danilo Fagundes, William Muinhos, Felipe Nascimento do Equipo nacional de Brasil e Afonso Pegado con Pedro Valido do Equipo Nacional de Portugal, que conseguiron cortar aos turcos, así as cousas seis pentatletas en grupo e Rodriguez tirando dos mesmos, o cal desfalecieu a falta de trescentos metros, pero que conseguiu entrar terceiro a só doce segundos dos dous brasileiros e pasar á final, por atrás o Español Raúl Blanco tamén lograba o pase á final coa oitava praza.

Medalla de prata para a selección nacional
A final hípica do domingo contaba con Rodríguez na terceira posición e con Raul Blanco na Oitava, e era importantísimo facelo ben para manter a medalla de bronce individual do de Viveiro e optar á medalla de Equipo por seleccións. Unha vez realizado o sorteo, a Rodríguez tocoulle en sorte un mal cabalo, co cal dispuxo por reglamento de vinte minutos para facerse con el, este mesmo cabalo provocara na proba o derrumbamento con outro pentatleta, pero Rodríguez saiu decidido á pista, mais cando todo ía como a seda, e entrado no triple salto o cabalo realizou un rexeitamento, co cal os técnicos daban por perdida a competición, pero a rápida reacción do internacional galego, fixo virar ao cabalo e introducilo de novo logrando o salto penalizando por tempo pero a medalla de bronce estaba salvada, por detras Raúl Blanco, nunha magnifica actuación, colocábase séptimo subindo unha praza e conquistando así ambos deportistas a Medalla de Prata por Equipos Nacionais, sendo o Ouro para Brasil e o Bronce para Portugal quedando Turquía ás portas.