Santiago de Compostela, 15 de decembro de 2015.- A deputada do BNG, Ana Pontón defendeu este luns na Comisión de Industria unha Proposición non de lei para manter o emprego e a produción nas plantas de Alcoa e San Cibrao e demandar do Goberno central a modificación do marco regulador da enerxía eléctrica.
Na súa intervención, Pontón sinalou que a factoría da Coruña viu reducida a súa produción nun 30% e un recorte de plantilla nos últimos anos dun 40% e advertiu que de pechar a planta de Alcoa da Coruña tamén periga Alcoa-San Cibrao porque gran parte da produción de alúmina abastece as fabricas de aluminio da Coruña e Avilés. Ademais, engadiu que a factoría de San Cibrao e “o sostén económico de toda da comarca da Mariña”, representando o 40% do PIB da provincia de Lugo.
Prácticas chantaxistas das multinacionais
A deputada denunciou as “prácticas chantaxistas” das multinacionais e salientou que Alcoa obtivo un beneficio de 220 millóns de euros no primeiro semestre do ano, “os seus maiores beneficios dende 2011”, e a pesar de obter beneficios, recalcou “non ten ningún reparo en pechar e trasladar a súa produción para seguir engordando a súa conta de resultados” e mesmo introducir en Galiza metal fabricado en Arabia Saudí.
A parlamentaria lembrou que no último Debate do Estado da Nación no Parlamento aprobouse por unanimidade demandar de ALCOA o compromiso de manter a actividade produtiva e a totalidade dos postos de traballo así como un sistema de prezos que favorezan a continuidade das empresas grandes consumidoras de enerxía eléctrica, pero constatamos, dixo, que non se fixo nada ao respecto e que a “situación vai a peor” despois de coñecer o borrador do Ministerio que regula as peaxes para 2016 e que pode duplicar o termo de potencia que pagan os grandes consumidores eléctricos polo subministro, circunstancia que afecta a ALCOA pero tamén a empresas como MEGASA,CELSA ou FEROLATLÁNTICA. A deputada afirmou que o modelo do Estado español “penaliza a actividade industrial” cando a aposta pola industria debería ser “un obxectivo estratéxico para o Goberno”.
En Alemaña ou Francia, explicou, para abaratar a electricidade e que as industrias sexan competitivas, “desagregan do Mix Eléctrico as distintas fontes de xeración e pagan polo custe real”, no Estado español poderíase facer coa enerxía hidroeléctrica pero prefire fixar o prezo pola fonte de xeración máis cara que entra no Poll, “todo para engordar as eléctricas”. Unha política, que ademais “impide que Galiza poda extraer beneficio da súa condición de grande produtora de electricidade” pero o goberno español xustifícao apelando á unidade de mercado.
Galiza carga cos custes da electricidade e non obtén beneficios
Para a deputada, Galiza “apanda cos custes sociais e medio ambientais da produción da electricidade mentres os beneficios das compañías emigran” nisto consiste, dixo o “espolio enerxético de Galiza.
Pontón concluíu a súa intervención afirmando que garantir o mantemento do emprego e da produción nas plantas de Alcoa da Coruña e San Cibrao é posible, “ só fai falla vontade política”, concluíu.
A iniciativa defendida pola deputada do BNG foi rexeitada polo grupo maioritario do Partido Popular.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
