Lugo, 28 de decembro de 2015.- O Grupo Popular levará ao pleno deste martes unha iniciativa plenaria a través da que solicita que os Concellos estean exentos do pago de taxas á Deputación cando realizan obras dirixidas a servizos básicos (alumeado público, abastecemento de auga, acceso a núcleos…) e que afectan a estradas provinciais así como cando lle son concedidas ás administracións locais autorizacións privativas ou para o aproveitamento especial dos bens de dominio público provincial.
En concreto, a voceira dos populares, Elena Candia, explica que a través desta iniciativa plenaria “instamos ao presidente provincial a que poña en marcha o procedemento de modificar as dúas ordenanzas fiscais reguladoras destas taxas, a da taxa por autorizacións de obras e outros aproveitamentos situados en zonas contiguas ás estradas provinciais e a da taxa pola autorización privativa ou para o aproveitamento especial dos bens de dominio público provincial”.
“Estamos ante ordenanzas que datan do ano 1995 e do 1998 e, polo tanto, transcorreron máis de 20 e 17 anos, respectivamente, dende a súa derradeira aprobación e dende a última modificación publicada, ata o punto de que fan referencia a normativa actualmente derrogada e mesmo as tarifas establecidas nas mesmas exprésanse en moeda que xa non se atopa en circulación”, explica a popular, quen defende que “necesitan dunha actualización conforme ao contexto xeral e económico que afecta aos concellos e aos particulares”.
Deste xeito, os populares piden que dentro da modificación das ordenanzas, se exima aos Concellos do pago destas taxas cando están a realizar servizos públicos da súa competencia e de interese público e social básicos. Un importante número de expedientes tramitados por esta Deputación, no marco destas ordenanzas fiscais, responden a liquidacións que supoñen unha carga excesiva para as arcas municipais, cando dende os Concellos se están a satisfacer as necesidades dos veciños. Así, por exemplo, “nunha condución subterránea de abastecemento de auga paralela a unha vía provincial nunha lonxitude de 4.326 metros, as taxas superan os 18.000 euros”, exemplifica.
Neste senso, Candia argumenta que as deputacións teñen a obrigatoriedade legal de cooperar e colaborar cos concellos e esta asistencia aos municipios debe dirixirse preferentemente ao establecemento e adecuada prestación dos servizos mínimos. Os populares explican que a normativa establece cal é a serie de servizos legais que debe prestar o Concello (alumeado público, abastecemento domiciliario de auga potable, alcantarillado, acceso a núcleos de poboación e pavimentación de vías públicas…) e, deste xeito, esta petición implica de xeito indirecto unha mellora moi positiva na economía local e particular.
Por último, o Grupo Popular na moción tamén solicita unha regulación máis concreta e detallada do artigo que fai referencia á posibilidade de precisar as contías das taxas a través de convenios para o caso de empresas explotadoras de servizos e de suministros así como de entidades representativas dos sectores estratéxicos da provincia.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
