Ribadeo, 29 de decembro de 2015. A asociación Amadores da Música organiza para este domingo, 3 de xaneiro, un concerto solidario da Banda Municipal de Ribadeo a través do que se recadarán fondos para a Asociación de Persoas con Discapacidade da Mariña Lucense (A Mariña-Cogami), concretamente para as que teñen mobilidade reducida. O espectáculo comezará ás 20 horas no Cine Teatro ribadense. O prezo da entrada, establecido polo colectivo destinatario, será de cinco euros.
O presidente de Amadores da Música, José Luis Pulpeiro, explicou que “a Asociación Amadores da Música, que xestiona a Banda Municipal de Ribadeo, vén ofrecendo estes dous últimos anos uns concertos solidarios con motivo de recadar fondos, na medida do posible, para esas asociacións que, sen ánimo de lucro, favorecen o día a día das persoas con algún tipo de problema. Dada a cantidade de situacións que se presentan na vida cotiá ante numerosas temáticas relacionadas coas necesidades e preocupacións, preguntámonos uns aos outros: ¿que podemos facer?, ¿como podemos cambiar algo a realidade?, ¿como tender a man cando hai outro que o está necesitando? En definitiva, ¿como podemos axudar?”.
Pulpeiro engadiu que “no noso caso estaba cantado que a nosa participación sería facer aquilo que mellor sabemos: música a través da nosa Banda. Como algúns recordarán, o concerto solidario do ano pasado foi a favor da loita contra o cancro infantil a través da súa delegación na provincia de Lugo, na que está incluída Ribadeo. Este ano dedícaselle ás persoas con mobilidade reducida a través da Asociación de Persoas con Discapacidade da Mariña Lucense-Cogami. Seguramente alguén se estará preguntando por que se escolleron estas asociacións e non outras. A resposta é sinxela: por ningún motivo en particular. Son tantas as asociacións, en definitiva persoas, que necesitan axuda, que se fai imposible satisfacer tanta demanda e por iso foron escollidas ao chou.
Réstame pedir a colaboración de todos e todas para que o próximo domingo día 3 acudan a este concerto que se vai celebrar no teatro ás 8 da tarde”.
Haberá ademais unha fila cero para todas aquelas persoas que queiran colaborar, pero non poidan asistir ao concerto. Os donativos poden realizarse no número de conta de Abanca ES65-2080-0140-1130-4001-5012.
A presidenta da Asociación de Persoas con Discapacidade de A Mariña-Cogami, Emma Camaño, explicou que “a entidade está declarada de Utilidade Pública e por tanto os donativos pódense declarar, xa que desgravan”.
Amadores da Música aproveita a ocasión para transmitir “os nosos mellores desexos neste Nadal e un ano 2016 cheo de esperanza e realizacións”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
