Burela, 8 de xaneiro de 2016.- O alcalde, Alfredo Llano, estará presente este sábado na presentación da nova edición da Vuelta Ciclista a España, que terá lugar no Palacio de Congresos e Exposicións da capital galega. O rexedor aproveitará a ocasión para intentar que a Vuelta, que este no pasa pola Mariña, atravese a rúa principal de Burela, a avenida Arcadio Pardiñas, no seu percorrido polo municipio.
Alfredo Llano explicou que “estou convocado como alcalde para ir mañá a Santiago ao Palacio de Congresos e Exposicións de Galicia á presentación da nova edición da Vuelta Ciclista a España. Por un lado, atenderei á presentación, como é lóxico, porque é bonito que veña pola Mariña. A Vuelta vai ter unha etapa con inicio dende Viveiro e chegará a Lugo e, polo tanto, penso que é unha boa noticia que circule por varios dos municipios da nosa comarca. Entre os concellos polos que vai pasar está o de Burela, sexa como sexa, así que vou intentar falar con Javier Guillén, o director de Vuelta Ciclista a España, para ver se é posible que pase pola rúa principal, por Arcadio Pardiñas, para facela máis vistosa e que Burela poda aproveitar esta ocasión”.
Segundo Llano “estas son ocasións únicas porque non é que a Vuelta pase moito pola zona, así que cando pasa hai que aproveitala. Ademais de atender á presentación e de dar os parabéns a todos os concellos polos que vai pasar, como A Pontenova, Foz, etcétera, miraremos que mais se pode facer con respecto a Burela, a ver se é posible que pase polo centro, por Arcadio Pardiñas. Ao mellor xa teñen eles pensado outra alternativa, como é a de circular pola variante, pero se é posible eu vou intentar que pase por Arcadio Pardiñas”.
Fitur 2016
Por outra banda, Llano mantivo esta mañá unha xuntanza co presidente da Acia local, Rubén Pinín, para falar da presenza de Burela en Fitur: “en Madrid presentaremos un vídeo da festa castrexa e levaremos unha serie de folletos informativos con información de eventos como a feira do bonito, as festas patronais… Concello e Acia colaborarán para promocionar conxuntamente Burela, o seu comercio e a súa hostalería”.
O alcalde anunciou que “estamos elaborando un novo folleto turístico de Burela. Non nos dará tempo de levalo a Fitur neste 2016, pero estará listo para acudir a outras feiras e tamén o levaremos á Feira Internacional de Turismo do vindeiro ano”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
