Lugo, 8 de xaneiro de 2016.- O voceiro do BNG e responsábel da Área de Cultura na Deputación de Lugo, Xosé Ferreiro, aproveitou a habitual rolda de prensa posterior á Xunta de goberno do ente provincial para facer unha valoración sobre o 2015 no referente á Rede Museistica.
Neste sentido, Ferreiro indicou que “o 2016 é un ano que comeza ben” en relación coas cifras de visitantes que recibiron os centros que compoñen a Rede Museistica Provincial, dependente da Área de Cultura, durante o ano 2015. Sumadas as persoas que visitaron os catro Museos, fan un total de 103.569 visitantes que se achegaron a algún dos edificios que compoñen a Rede.
Ferreiro amosouse contento con estas cifras, indicando que “unha vez pechadas as estatísticas do ano 2015 constátase que o número de visitantes da Rede Museistica segue a medrar ano tras ano, rexistrándose unha subida dun 2.02% no seu conxunto”.
Incrementos moi salientábeis nos casos do Pazo de Tor e do Museo do Mar
Especialmente salientábeis son os casos do Pazo de Tor, en Monforte, e do Museo do Mar, en San Cibrao. No caso do Museo monfortino, constátase un aumento das 7601 visitas no 2014 pasando a ser 9066 as visitas que se produciron no 2015. Así mesmo, no caso do Museo ubicado na Mariña lucense, as visitas pasaron das 17980 do ano 2014 ás 20616 visitas rexistradas no ano 2015.
O Delegado de Cultura, Xosé Ferreiro, felicitou por estes datos a todo o persoal da Rede Museistica, “agradezo o entusiasmo que poñen as traballadoras e traballadores da Rede Museística na atención ao público e en facer que os nosos Museos sexan xa puntos de referencia cultural cando se fala da provincia de Lugo”.
Moito que ofrecer desde a Rede Museística e o CENTRAD
Ferreiro concluíu sinalando que malia estas boas cifras “a Rede Museística aínda ten moito que ofrecer e, desde logo, desde a Área de Cultura traballaremos para que estes números de visitantes continúen ascendendo nos vindeiros anos”
O nacionalista lanzou xa algunhas propostas sobre as que se está a traballar desde a Área de Cultura, como é o traballo con centros de ensino e asociacións “facilitándolles o medio de transporte para que visiten a Rede Museistica e tamén o CENTRAD”. Con respecto a este último, Ferreiro sinalou que “traballaremos, man a man coas artesás e artesáns, para darlle visibilidade e que o CENTRAD pase tamén a ser punto de referencia da artesanía e da cultura na nosa provincia. Por iso estamos traballando xa nun calendario expositivo e en moitas actividades máis que iremos dando a coñecer nos vindeiros días, buscando sempre que acheguen a cultura dun xeito aberto e participativo a todas as persoas en igualdade de condicións.”
O Delegado de Cultura aprobeitou tamén para referirse aos problemas que están a xurdir na estutura do Museo de Lugo, que se viron agrabados nestes días por mor do temporal de choiva e vento e que provocaron a aparición de numerosas goteiras nalgunhas estancias da entidade museística. A este respecto indicou que xa se está a traballar nun paquete de medidas para resolver todas estas cuestións, adiantando que se destinarán en torno a 500,000 € de orzamento para solventalas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
