O BNG do Vicedo ven de rexistrar unha moción para o seu debate no seguinte pleno ordinario, que terá lugar o vindeiro día 27 de xaneiro, para a combater o desemprego e a emigración xuvenil que tanto sufre un concello rural e pequeno como é o caso do Vicedo.
Os nacionalistas vicedenses esgrimen a través da voz do seu voceiro no concello, Adrián Piñón, “que é necesario un plan de choque do concello para eliminar esta lacra que afecta á nosa sociedade, xa que segundo resaltan os datos da EPA, a finais do 2015, máis do 50% das mozas e mozos galegos non tiñan traballo; e os que o teñen, cobran un salario que non lles garante vivir dignamente”. O paro xuvenil e a falla de oportunidades impulsan ás mozas e mozos a buscar oportunidades laborais fóra do concello
Así os xoves concelleiros do BNG do Vicedo insisten en que se fai necesario, unha aposta rigorosa para o fomento do emprego digno destinado á mocidade, que posibilite condicións favorábeis para a creación de postos de traballo, co obxectivo de evitar a fuga de persoas novas e posibilitar o regreso da mocidade emigrada nos últimos anos.
Inma García, concelleira do grupo municipal sinalou que “se propoñen entre outras medidas a creacion dun plan de emprego municipal de fomento do emprego destinado á mocidade ou establecer un convenio de colaboración coa Fundación Empresa Universidade Galega, para a creación de becas FEUGA de formación remuneradas nas empresas da zona”.
O BNG solicita que se axude ós emprendedores que impulsen empresas no concello, sobre todo as relacionadas co agro, o mar e o turismo sostible.
Tamén solicitan a creación dun servizo de seguimento da mocidade desempregada, coa finalidade de garantir e procurar a súa introdución no emprego, así como axudar ao desenvolvemento de proxectos e iniciativas da mocidade para a creación e mantemento de explotacións agro-gandeiras e de agricultura ecolóxica, así como proxectos turísticos, en especial os relacionados co entorno.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
