Santiago de Compostela, 22 de xaneiro de 2016.- A presidenta da UCGAL, Ana Olveira, e o Secretario Xeral, Miguel López, mantiveron un encontro este xoves pola tarde coa actual conselleira de Medio Rural, Ánxeles Vázquez, na que lle trasladaron as inquedanzas dos consumidores galegos sobre o deseño das políticas dese departamento que lles afectan directa ou indirectamente.
No encontro, os representantes da Unión de Consumidores de Galicia, esixíronlle a Vázquez un maior compromiso do seu departamento cos consumidores galegos. Como exemplo, desde o inicio do actual episodio da crise do sector lácteo, ós consumidores non se lles outorgou ningún papel nin nos procesos de debate abertos nin no desenvolvemento de programas de actividades malia ser un dos elos da cadea e ser o destinatario último do produto. Tendo isto presente, a presidenta e o Secretario Xeral da UCGAL pedíronlle á titular de Medio Rural unha maior fluidez e transparencia na comunicación entre a súa consellería e as asociacións e organizacións que representan os intereses dos consumidores galegos.
Igualmente, os representantes da Unión de Consumidores de Galicia aproveitaron a xuntanza para reivindicar o compromiso da súa organización a prol do sector lácteo galego e do primeiro elo da cadea, os gandeiros e gandeiras.
Olveira e López trasladáronlle á conselleira a disposición da UCGAL a apoiar, difundir e participar en actividades formativas e informativas dirixidas ó conxunto da poboación galega. Desde sempre, esta organización apostou por sensibilizar, concienciar e informar á cidadanía sobre a importancia dun sector vital para o tecido económico e social galego. Neste sentido, UCGAL amosou a súa disposición a participar en actuacións que vaian máis alá da mera promoción de produtos.
Para rematar, os representantes da UCGAL valoraron moi positivamente a restruturación orgánica do executivo autonómico. Un sector tan básico e estratéxico para Galicia como o sector primario, con grande peso desde o punto de vista económico, social e cultural, necesitaba con urxencia contar cunha consellería de seu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
