NOTA DE PRENSA
O GMPP valora positivamente os presupostos da Xunta para Burela.
Afirman que demostran o compromiso de Núñez Feijoo con Burela.
O investimento real da Xunta superará os sete millóns de euros en 2010.
O GMPP de Burela puxo hoxe de manifesto, a través dunha nota de prensa, a súa valoración positiva dos presupostos da Xunta de Galicia para Burela para 2010, facendo fincapé en que os máis de sete millóns douscentos mil euros que a Xunta destina a Burela no capítulo de investimento real demostran o compromiso da Xunta de Núñez Feijoo con este concello e co seu desenvolvemento socioeconómico.
Os populares consideran que os presupostos do ano próximo apostan polo remate do acceso ó porto, e tamén o remate das obras de mellora de abastecemento de auga a Burela. Os populares lembraron que estas obras quedaron xa consignadas nos presupostos de 2005, últimos da Xunta de Manuel Fraga, cos seus proxectos debidamente aprobados, o que demostra que a Xunta bipartita foi incapaz de executar o que eles mesmos presupostaron. Salienta tamén o PP que tanto unha obra coma a outra foron adxudicadas en 2007 pola Xunta bipartita, nun intento de manipular e influir na campaña electoral das municipais, e agora a realidade vólvese contra deles.
A consignación para o acceso ó porto de Burela é de tres millóns setenta mil euros, mentres que para a mellora de abastecemento de auga a consignación para 2010 ascende a cincocentos corenta e cinco mil euros no que se refire ó termo municipal de Burela, e que entre Cervo e Burela supón un total de un millòn cen mil euros.
Os populares consideran importante a consignación, de trescentos mil euros, que aparece nos presupostos de 2010 para a remodelación do vial de acceso á zona sur do porto de Burela, desde Eijo Garay a ABSA polo Berbés, e que conta cun presuposto total de cincocentos oitenta mil euros. O PP lembra que esta obra fora anunciada hai uns días polo Presidente de Portos de Galicia ó portavoz popular González Barcia nunha reunión con membros de ABSA e da Confraría.
Importante tamén é a ratificación do compromiso co Hospital da Costa. Serán un millón vinteoito mil euros, que recollen as obras de xinecoloxía que o bipartito tiña presupostadas desde 2008 e que foi incapaz de realizar, e as obras de reposición do teito do hospital e da rampa, que o bipartito anunciara pero que non fora capaz nin de presupostar.
Finalmente, os populares afirman que a Consellería de Pesca presuposta catro millóns seiscentos mil euros para diversas actuacións na Mariña Central; boa parte deses fondos, en boa lóxica, repercutirán no sector pesqueiro burelés.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
