Lugo, 9 de febreiro de 2016.- A Xunta de Galicia, a través da Axencia Turismo de Galicia, destinará 250.000 euros á concesión de subvencións aos concellos declarados municipios turísticos para a contratación de persoal nas oficinas de turismo entre os meses de xuño e setembro.
Así o explicou hoxe a delegada territorial da Xunta, Raquel Arias, quen indicou tamén que “na provincia de Lugo son doce os concellos que están en disposición de optar a esta liña de axudas, que surxen co obxectivo de reforzar e manter a calidade do servizo de atención turística no período de maior afluencia de visitantes”, de xeito que se potencie a súa imaxe e a de Galicia no seu conxunto.
Para poder obtar ás subvencións, é requisito indispensable que as entidades locais conten coa declaración de municipio turístico galego e presenten as súas solicitudes dentro do prazo establecido, que remata o vindeiro 27 de febreiro. Actualmente están recoñecidos como de interese turístico os concellos lucenses de Ribadeo, Monforte de Lemos, Mondoñedo, Chantada, Viveiro, Foz, Quiroga, Samos, Lugo, Sarria, Sober e Palas de Rei.
“Como novidade este ano”, dixo Arias, “e grazas a un axuste das contías asignadas a cada concello, Turismo de Galicia garantizará que todos os municipios turísticos galegos que o soliciten, e cumpran cos requerimentos establecidos na convocatoria, reciban as axudas”.
A delegada tamén salientou que “outra das vantaxes que ofrece a actual convocatoria é a maior flexibilidade da que disporán os municipios á hora de adaptar a xornada laboral e a duración dos contratos ás necesidades concretas do seu servizo de atención turística”. En todo caso, deberán realizar a contratación de persoal entre as datas comprendidas entre o 15 de xuño e o 15 de setembro do presente ano.
Por outra banda, e co obxectivo de fomentar o emprego, “esixiráselles aos concellos que os traballadores contratados ao abeiro desta liña de axudas figuren como desempregados no Servizo Público de Emprego de Galicia e estean en posesión dalgúns dos títulos académicos especificados na convocatoria”, sinalou a representante da Xunta na nosa provincia.
O procedemento de concesión das subvencións tramitarase en réxime de concorrencia non competitiva por rigorosa orde de entrada no Rexistro Electrónico da Xunta de Galicia.
Sobre este procedemento administrativo poderase obter documentación normalizada ou información adicional na Axencia de Turismo de Galicia, a través da súa páxina web oficial http://www.turismo.gal; nos teléfonos 981 54 74 04 e 981 54 63 64, e o fax 981 54 63 71; dirixindo un correo electrónico a xerencia.turismo@xunta.es; ou ben presencialmente.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
