Bruxelas, 9 de febreiro de 2016.- A eurodeputada de Alternativa Galega de Esquerda en Europa (AGEe), Lídia Senra, atópase xa en Guiné Bissau, onde integrará dende este mércores unha delegación europarlamentaria impulsada pola Comisión de Pesca do Parlamento Europeo -na que Senra é representante suplente para o Grupo da Esquerda Unitaria Europea-Esquerda Verde Nórdica (GUE/NGL)- neste Estado da África occidental.
Xunto a eurodeputadas/os portugueses e do Estado español, Senra manterá este mércores un encontro a primeira hora co presidente da Assembleia Nacional Popular (ANP), Cipriano Cassamá, á que seguirá unha xuntanza de traballo co Xefe da Delegación da Unión Europea en Bissau, Víctor Madeira dos Santos. A axenda institucional para este mércores completarase con entrevistas co Secretario de Estado para a Pesca e a Economía Marítima, Ildefonso Barros; o Secretario de Estado de Transportes e Comunicacións, João Bernardo Vieira e o Primeiro Ministro de Guiné, Carlos Correia.
Nesta primeira xornada está programada dende as 11:00 e até as 13.00hrs. un encontro con representantes da sociedade civil.
Na segunda xornada de traballo en Bissau a delegación parlamentaria achegarase a coñecer directamente a situación do sector pesqueiro desenvolvendo durante a mañá do xoves un plan de traballo no Porto de Bissau, onde acudirán ao Instituto Marítimo -institución responsábel do rexistro de barcos, infraestruturas portuarias e seguridade marítima-, ao Centro de Busca e Salvamento e manterán unha xuntanza con asociacións de armadores, mariñeiros e traballadores portuarios.
A tarde comezará ca visita á Secretaría de Estado das Pescas, onde coñecerán o Centro de Vixilancia da Pesca (FISCAP), a Dirección Xeral da Pesca Industrial -organismo encargado de emitir as licencias de pesca-, e o laboratorio de investigación científica onde se realizan os controis da Certificación de Calidade do Peixe. Coñecerán tamén instalacións onde se procede ao conxelado do produto e visitarán proxectos co-financiados pola Unión Europea.
Posteriormente desprazaranse ao porto de pesca do Alto Bandim, onde se practica a pesca artesanal. Alí manterán unha xuntanza cunha asociación de mulleres pescadoras.
Para a eurodeputada de AGE, titular tamén para o GUE/NGL na Asamblea Paritaria África-Caribe- Pacífico (ACP-UE), esta delegación supón “unha importante oportunidade para coñecer de primeira man a situación de países africanos con forte presenza da pesca artesanal”, mais tamén para “escoitar directamente das persoas afectadas como impactan no territorio africano as políticas comerciais europeas”, xa que o caladoiro de Bissau é un dos explotados polo sector pesqueiro da UE. Senra reivindicou que “temos que ter claro que na pesca, ao igual que na agricultura, debemos estar unidas e unidos en base á defensa dun modelo produtivo sustentábel”, respectuoso cas persoas e ca Natureza, “que cómpre defender por riba de todo para poder facer fronte a ameazas que xa están enriba de nós, como a denominada Economía Azul que pretenden desenvolver a Comisión Europea e o Banco Mundial, o acaparamento mundial de océanos, ou a ofensiva de políticas que queren regalar os recursos naturais á explotación empresarial, como pretende Feijoo ca Lei de Acuicultura na Galiza”.
O vindeiro 17 de febreiro as catro eurodeputadas/os integrantes desta delegación parlamentaria exporán as súas conclusións na sesión da Comisión de Pesca do Parlamento Europeo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
