Cervo, 11 de febreiro 2016.- O alcalde de Cervo, Alfonso Villares, ven de anunciar que “xa empezaron as obras para a construción das pistas de pádel en San Ciprián”. Estas dúas pistas situaranse nas instalacións deportivas que ten o Concello xunto ao campo de fútbol e ao pavillón municipal de A Veiga. Para o rexedor municipal “é o sitio idóneo para centralizar toda a oferta deportiva do noso Concello nesas instalacións”. Villares visitou o lugar acompañado polo concelleiro de Deportes, José Ramón Soto.
Unha das pistas será cuberta e o custe total das obras é de 160.800 euros dos que financiará 92.000 a Deputación Provincial. O alcalde explicou que “é un convenio que se firmou coa Deputación durante o anterior goberno provincial, do Partido Popular, e é o primeiro que asina este Concello co ente provincial nos últimos oito anos e medio”. E engadiu que “nos oito anos anteriores, cando estaba na Presidencia da Deputación o Partido Socialista non houbo nin unha soa inversión no Concello de Cervo”. Pola contra “houbo sancións, sendo o primeiro concello sancionado con 20.000 euros en toda a provincia de Lugo e tamén houbo unha serie de expedientes abertos sen sentido ningún contra o Concello de Cervo”. Por iso o rexedor salienta que “este primeiro convenio que se firmou despois de oito anos de auténticos nuboeiros para os intereses do Concello de Cervo é unha satisfacción para nós”.
Alfonso Villares subliña que “esta obra e esta nova oferta deportiva é importante sobre todo nos tempos nos que estamos, en que o deporte, e sobre todo o pádel, está tendo cada vez máis auxe; e non só este deporte en si senón tamén todo o que supón as persoas e o movemento social que leva consigo”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
