NOTA DE PRENSA
APROBADA UNHA INICIATIVA SOCIALISTA NA QUE SE RECLAMA UN PLAN DE AXUDAS CON DOTACION ORZAMENTARIA PARA A RECUPERACION FORESTAL, POR MOR DO CICLÓN KLAUS
-A portavoz de Agricultura Sonia Verdes denuncia que coa chegada do goberno de Feijoo á Xunta de Galicia , dende o Grupo Socialista tivemos que lamentar que chegaran as paralizacións e os recortes, ante a falta de compromiso e a incapacidade para resolver as axudas aprobadas polo anterior goberno
Santiago, 23 de outubro de 09. Aprobada unha iniciativa do Grupo Parlamentario Socialista no Parlamento, na que se insta ao Goberno da Xunta a poñer en marcha un Plan de axudas con dotación orzamentaria para a recuperación forestal dos montes galegos, por mor do ciclón Klaus.
A portavoz de Agricultura Sonia Verdes interveu hoxe na Comisión 7ª do Parlamento para reclamar a necesidade de implementar axudas para a recuperación do potencial forestal danado polo Klaus.
Na súa intervención Verdes relatou que a situación xerada polo temporal Klaus nos montes galegos, unida ademais á grave crise que atravesa a industria da madeira en Galicia no marco dunha depresión económica xeralizada, e tendo en conta tamén a posible repercusión no mercado do volume de madeira caída nos montes do sur de Francia, facían previsible o asentamento dunha situación económica moi complicada para o sector forestal galego. Especialmente para os silvicultores que teñen que custear a saca da madeira afectada, restaurar os bosques danados e afrontar as consecuencias da crise, agravada polas graves dificultades comerciais para colocar os seus produtos.
Verdes explicou que coa sinatura do acordo do pasado 27 de febreiro, que asinou o anterior goberno da Xunta de Galicia e os representantes do sector forestal e da industria da madeira galegos mediante o cal acordaron poñer en marcha dúas liñas de axudas directas para os propietarios forestais e comunidades de montes veciñais en man común. Argumentou que a primeira das liñas estaba dirixida a subvencionar os custos da corta e saca da madeira danada aos propietarios, custos moi superiores aos das corta e sacas nunha situación de normalidade, dada a súa complexidade e perigosidade. A segunda das liñas de axudas económicas estaba enfocada aos propietarios forestais para facer os traballos de restauración das masas forestais gravemente afectadas
A portavoz denuncia que coa chegada do goberno de Feijoo á Xunta de Galicia , dende o Grupo Socialista tivemos que lamentar que chegaran as paralizacións e os recortes, ante a falta de compromiso e a incapacidade para resolver as axudas aprobadas polo anterior goberno.
A portavoz de Agricultura lembrou que o mal tempo foi o fenómeno metereoloxico que lle salvou a cara ao Conselleiro de Medio Rural, sobre os incendios forestais.
Verdes denuncia que a día de hoxe a Consellería de Medio Rural non se está a levar a cabo ningún tipo de actuación para mellorar o aproveitamento e a mellor ordenación do monte galego. Amais lamenta os retrasos nas resolucións das axudas xa comprometidas polo goberno anterior, a ausencia total de publicación de novas ordes de axudas para o sector forestal , o incumprimento do Conselleiro de destinar máis de 60 millóns de euros antes do remate do ano para a mellora de arredor de 25000 ha de superficie forestal galega.
Texto da iniciativa aprobada hoxe;
“O Parlamento de Galicia insta á Xunta de Galicia a establecer un Plan de Axudas con dotación orzamentaria suficiente para a recuperación do potencial forestal danado polo ciclón Klaus, que afectou a Galicia o pasado 23 e 24 de xaneiro, procedendo a publicación entre setembro e decembro de 2009 dunha Orde de Axudas con vixencia 2010-2011, co fin de garantir e promover a repoboación e conservación e os traballos de silvicultura necesarios para recuperar as zonas de monte afectadas polo ciclon Klaus. Evitando os problemas fitosanitarios e o incremento do risco de lumes que provocaría a grave crise o abandono, contribuíndo así a paliar a grave crise que esta a sufrir os propietarios forestais”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
