RIBADEO (FNC) .- Fernando Suárez, alcalde de Ribadeo, valorou de xeito moi positivo o seu paso polo foro sobre parques industriais que se celebrou estes días en Sigüenza e en Madrid, organizado por SEPES. Un evento no que participaron rexedores de lugares nos que esta empresa pública está a realizar importantes obras de execución de parques empresariais.
O rexedor contou que “todos os responsables de SEPES me transmitiron a boa marcha das obras, e que en breve lle enviarán ao Concello o novo paso que temos que dar que é o proxecto de reparcelación que temos que levar a pleno. E confirmáronme que antes de que remate este 2009 celebraremos unha xuntanza entre responsables de SEPES e o Concello con todos os interesados. Será un encontro de carácter comercial para explicar as condicións de venda das parcelas ou mesmo as condicións de financiamento das mesmas”.
Suárez Barcia explicou que “eles contan que as obras físicas estean rematadas na primavera do 2010. En principio non lle presupoñen demoras, porque o tempo estivo a ser óptimo, ainda que agora empeza a chover. O tempo foi moi benigno e calquera que pase pola A-8 ten unha magnífica oportunidade para visualizar o ben que están indo as obras de urbanización deste polígono industrial de Ribadeo, duns 160.000 metros cadrados e que dará para máis de 50 parcelas de diferentes medidas e de diferentes prezos. Algo que ainda non teñen concretado de todo, pero sí que en breve será de público coñecemento”.
O alcalde sinalou que “hai moitísima xente preguntando, hai moita xente que non se quere ir para outros polígonos do entorno porque entenden que a situación de Ribadeo e do polígono é privilexiada. O parque empresarial está ao pé da autovía, moi ben comunicado co porto comercial a través da circunvalación, coa propia entrada de Ribadeo e coa autovía A-8. Satisfacción por esta xuntanza que mantivemos en Sigüenza e agardamos en breve dar máis novas sobre este tan ansiado polígono industrial de Ribadeo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
