NOTA DE PRENSA
Socialistas e nacionalistas sumánse tamén a proposta popular e votaron favorablemente a esta iniciativa promovida por Jose Manuel Balseiro Orol
O PARLAMENTO DE GALICIA INSTA Á XUNTA, A INICIATIVA DO PP, AO MANTEMENTO DA ÁREA SANITARIA DA MARIÑA E AO REFORZO DO CATÁLOGO DE SERVIZOS DO HOSPITAL DA COSTA
* “Foi o PP quen, unha vez máis, para eliminar calquera espazo de suspicacia ou dúbida, aclara ante os veciños cal é a folla de ruta do Executivo de Feijoo respecto do noso sistema sanitario: melloralo, potencialo, evitar que, como pretendía o bipartito, a área sanitaria lucense fora xestionada desde Ferrol”
* Os veciños da Mariña poden estar tranquilos porque o PPdeG traballará para mellorar a sanidade, con transparencia e honestidade, algo que os diferencia da xestión do bipartito.
A Mariña lucense, 23 de outubro de 2009.- O Parlamento galego insta á Xunta de Galicia, a iniciativa do Grupo Parlamentario Popular, a garantir o mantemento da área sanitaria do Norte Lucense, así como ao reforzo do catálogo de servizos que se ofrecen no Hospital da Costa. O deputado Jose Manuel Balseiro Orol, autor desta iniciativa, sacou adiante a súa proposta, que contou tamén co respaldo dos grupos políticos da oposición. Acadouse deste xeito, un acordo unánime do conxunto das forzas parlamentarias que vén a certificar dun xeito expreso a aposta pola continuidade do actual mapa sanitario na nosa comarca e pola mellora dos servizos que se prestan no centro hospitalario de Burela.
ACORDO PROMOVIDO POLO PP
Desde o Partido Popular salientan a importancia de que sexa esta formación política e non outras, a que promova este acordo parlamentario e, polo tanto, a que posibilite que se asuma por escrito, con total formalidade e solemnidade, un mandato expreso para a acción do Goberno da Xunta. “Foi o PP quen, unha vez máis, para eliminar calquera espazo de suspicacia ou dúbida, aclara ante os veciños cal é a folla de ruta do Executivo de Feijoo respecto do noso sistema sanitario: melloralo, potencialo, evitar que, como pretendía o bipartito, a área sanitaria lucense fora xestionada desde Ferrol”
PSOE E BNG: 4.297 PACIENTES NA LISTA DE ESPERA OCULTA
Balseiro Orol foi moi contundente nas súas quendas de palabra censurando aposición de PSOE e BNG nesta asunto. “Pretenderon enganar aos veciños da Mariña, xerar unha polémica distinta para ocultar unha sangrante realidade: Que o bipartito deteriorou ata límites insospeitables o funcionamento do sistema sanitario comarcal. Agochando nos caixóns a 4.297 pacientes que non aparecían nas listas de espera oficiais, que non estaban citados para acceder á consulta do especialista, aos que se lles estaba a negar a súa asistencia sanitaria”.
Balseiro tamén salientou que desde o PSOE se recoñeza que o Hospital da Costa é o mellor centro hospitalario de ámbito de influencia comarcal pois, desminte aos dirixentes do PSOE na Mariña que insisten en cualificalo como ambulatorio. “En todo caso, o que agora están a facer na Xunta é corrixir a herdanza que eles deixaron”. Tamén puxo de relevo, o deputado popular, en resposta aos nacionalistas, a opinión do alcalde de Mondoñedo, destacado dirixente do BNG, quen malia que despois intentou matizar as súas palabras, é favorable ao copago, isto é, a que os veciños e usuarios do sistema público de saúde teñan que pagar cando acudan ao médico. Por iso reclamou, unha vez máis que “desmintan a este alcalde, e deixen claro cal é a posición do BNG”
TRANQUILIDADE, SEGURIDADE, CONFIANZA
“Os veciños da Mariña poden estar tranquilos porque o PPdeG traballará para mellorar a sanidade, con transparencia e honestidade, algo que os diferencia da xestión do bipartito”. –concluíu Balseiro valorando o acordo acadado na Comisión de Sanidade da Cámara galega. “Ademais estou seguro que todos os veciños saben que poden confiar nas palabras do Presidente da Xunta de Galicia, Alberto Núñez Feijóo, e da propia conselleira de Sanidade nos días pasados, en sede parlamentaria”. Ambos confirmaron a vontade do Goberno galego polo mantemento da área sanitaria e polo necesario reforzo da capacidade técnica, cadro de persoal e especialidades do Hospital da Costa
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
