Lugo, 26 de febreiro de 2016.- A estrutura orgánica do partido debe prestar unha atención especial ó municipalismo. Os alcaldes e voceiros deben contar co seu propio foro, un Consello Municipal, no que poñer en común os seus problemas e as solucións que adoptaron para resolvelos.
“Está claro que, en principio, as peculiaridades da Mariña fana moi diferente á Ribeira Sacra. Haberá ocasión en que os problemas dunha non teñan que ver cos da outra, pero tamén é evidente que hai necesidades e demandas que son comúns a todos os concellos da provincia”, explica a candidata Raquel Arias.
Os alcaldes e voceiros municipais teñen ademais que ter contacto directo cos senadores e deputados, xa sexan provinciais, autonómicos ou nacionais, para coñecer qué se está a facer nas diferentes cámaras e en qué grao vai a afectar ou repercutir no seus concellos. Ese contacto directo ten que servir tamén para que as súas necesidades e propostas cheguen ós parlamentos e sexan abordadas neles.
Deputados e senadores teñen ademais que dar conta periódica da súa actividade e mesmo explicar, por exemplo, os procesos que se están a desenvolver nos respectivos parlamentos á hora de aprobar unha lei ou reformar unha normativa vixente, así como escoitar as demandas e necesidades que lle trasladen os militantes e veciños en xeral. Con este fin crearase a Oficina do Cidadán, que se ubicara nas sedes das propias agrupacións locais do PP de Lugo.
“A nosa pretensión”, di Raquel Arias, “é recuperar a figura da oficina do deputado, contemplada nos estatutos do partido a nivel nacional, que chegou a poñerse en marcha na provincia de Lugo pero que quedou se uso”.
Na opinión de Arias, este contacto directo e continuo entre afiliados e representantes electos, que podería ampliarse á cidadanía en xeral, resultará “frutífero e enriquecedor” para ambas partes e redundaría no fomento da participación e da transparencia a todos os niveis da estrutura da formación política.
Tanto o Consello Municipal como a Oficina do Cidadán estarán integradas na área dedicada á coordinación institucional, que xunto coa de participación, representación territorial e acción sectorial, conformarán a estrutura da executiva provincial do Partido Popular de Lugo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
