O Pleno da Corporación Municipal do Concello de Foz deste xoves 25 de febrero comezaba gardando un minuto de silencio en lembranza de catro mozos do noso Concello que fai dez anos perdían a súa vida nun fatídico accidente de tráfico nas nosas rúas.
“Foz, Plataforma de Futuro” levaba tres mocións para ser debatidas, sendo aprobadas as tres pola Corporación Municipal, o que demostra unha vez máis, a importancia dos temas para os veciños e veciñas do noso Concello, que a nosa formación leva para o seu debate.
Así mesmo, algunha delas xa se está executando nestes días. Parece que o equipo de goberno do concello de Foz está a espera de que FPF faga as súas peticións, para poñerse a traballar, o cal nos alegra, por unha banda e por outra nos preocupa que este goberno non sexa capaz de ver as necesidades máis básicas dos veciños e veciñas.
A primeira moción que se debatía foi para instar ó equipo de goberno do Concello de Foz para actualizar os números das vivendas nas parroquias do noso Concello, para favorecer o traballo que desenrolan nas parroquias os distintos operarios de empresas que teñen a necesidade de achegarse ás vivendas para realizar calquera traballo, ou entregar mesmo algún paquete. Atopámonos con números repetidos nalgúns casos, noutros non hai número á vista e noutras zonas non están nunha orde axeitada para a súa orientación.Esta moción foi aprobada por unanimidade da corporación.
A segunda moción que se debatía foi para instar ó equipo de goberno do Concello de Foz para adecentar a zona do Curbeiro no Casco Urbano, unha zona moi concorrida do noso Concello , xa que alí se atopa a E.D.A.R, a piscina municipal, as casetas dos mariñeiros, unha fonte pública, a zoa de aparcamento das autocarabanas, faise o mercado semanal, fanse as festas ou atópanse tamén as instalacións da Asociación asistencial da protectora de animais.Esta zoa sofre un importante abandono, cunha considerable falta de mantemento en limpeza, e coidado medioambiental, inclusive invadindo a maleza a zoa da nave municipal e mais os seus utensilios, así mesmo existe un camiño que dá aceso a unhas vivendas alí existentes que moitas veces ten que proceder a limpar un veciño do lugar, denunciamos, tamén unha falta de iluminación daquela zoa, unha fonte imposible de acceder a ela, etc.Así mesmo entendemos tamén dende FPF que pódese negociar con dous particulares para poder utilizar dúas fincas na Rúa Rondalla Latexos para crear aparcamentos municipais nunha zoa moi céntrica da nosa Vila. Esta moción foi aprobada cos votos favorables de todos os partidos da oposición e a abstención do PP.
E a terceira moción foi para instar ó equipo de goberno do Concello de Foz para adecentar correctamente a estrada que une o cámping San Rafael e a praia da Pampillosa en Fazouro, unha estrada cun importante paso de tráfico que se atopa nun estado lamentable, con importantes fochancas e remendos ó longo do seu traxecto, é tal o mal estado do seu firme, que está a provocar que a xente que a utiliza vai facendo un novo paso de vehículos polo arcén.Moción aprobada por unanimidade.
No punto número 4 da orde do día, FPF apoiou a ordenanza que presentaba o equipo de goberno sobre transparencia e acceso á información pública, unha ordenanza na que se publicarán todas aquelas cousas en relación co gasto público, gasto dos Concelleiros ,grupos municipais,etc.. e información en xeral que calquera veciño do noso Concello debe e pode saber.Entendemos que é un avance moi importante en pos dunha transparencia pública e real, dándolle os veciños e veciñas toda a información que precisen sobre a vida pública municipal e esperemos que estea en funcionamento o antes posible.
No punto número 5 da orde do día, FPF abstívose na modificación das bases da delegación de facultades realizada en materia de xestión,liquidación, recadación e inspección tributaria na Deputación Provincial de Lugo. Despois de que no pleno do mes de Xaneiro se aprobara sacar o servizo de recadación do noso Concello cos votos favorables do PP e BNG, neste pleno de febreiro ía a modificación de dous puntos para adaptalos á nova redacción do que se aprobara na Deputación nos últimos tempos, en coherencia coa votación do pasado pleno do mes de xaneiro onde FPF votou en contra de pasar o servizo de recadación ó ente Provincial. Estamos en contra que se leve o servicio de recadación municipal para Lugo, pero non podemos estar en contra dunha rebaixa económica do servizo que presta a Deputación Provincial, xa que é beneficiosa para o Concello. Por iso FPF, abstívose.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
