Grupo Municipal do BNG de Foz- Non é o estilo do BNG entrar no xogo sucio das descalificacións e os ataques aos compañeiros da corporación, mais en vista de que somos o obxecto dos desvelos do PSOE, cremos apropiado aclarar un par de cousas para que todo o mundo quede tranquilo.
Parece ser que o PSOE está atónito e quere saber que pasa con BNG de Foz. Ímosllo explicar, pois non queremos ser os culpábeis do seu incomodo. Co BNG de Foz non pasa nada, pasa que a diferencia do PSOE, temos un proxecto político ben definido, coherente e ambicioso, coñecido por todos, e non precisamos dos argumentos políticos dos demais para levalo a cabo, moito menos nos deixamos amedrentar por supostas ameazas que nin existen nin serían efectivas, caso de existiren.
Vemos que están preocupados pola actuación do BNG no último pleno, pero iso é ben fácil de explicar. Consideramos que a nosa moción a respecto dunha nova exposición pública do PXOM non precisaba máis explicación, tendo en conta que xa fora aprobada no pleno anterior cos votos do PSOE e de FPF, por certo, polo que non entendemos esa necesidade de que llela expliquemos por segunda vez. Por outro lado, xustifican o seu voto incoherente a respecto do mesmo asunto (a favor no pleno de xaneiro, abstención no de febreiro) na falta de exposición por parte do BNG. Que pasa? Que o PSOE non ten un proxecto político propio? Non ten unhas liñas de actuación claras? Non será que adapta os seus argumentos e o sentido do seu voto segundo o sol que máis quenta? Ou ao mellor é que no BNG somos malpensados e simplemente para o PSOE somos a luz que ilumina o seu camiño.
Asómbrase tamén o PSOE pola nota de prensa na que expresamos as nosas dúbidas sobre a vixencia do contrato cos redactores do PXOM, dúbidas que segundo eles non manifestamos no pleno. Non parecen lembrar, ou non queren, que esa foi unha das preguntas que lle formulamos ao alcalde no turno de preguntas. Certo é que foi a última e igual os concelleiros do PSOE estaban máis preocupados en recoller para saíren axiña que en escoitar… En caso de dúbida, aí están as actas para corroboralo, como din eles.
Insinúan a continuación os socialistas que existe unha “pinza” entre o PP e o BNG. Gustaríanos lembrar que no BNG sempre se tomaron as decisións de forma asamblearia, así que non vale dicir, como se fixo sempre, que os mellores representantes do BNG son os que se foron. No BNG seguimos a ser os mesmos, co mesmo proxecto, as mesmas liñas políticas e o mesmo traballo en equipo, aínda que a labor de concelleiro cambie de mans.
E xa para rematar con tantas manipulacións e mentiras, pretenden facer ver que a culpa de que non haxa un goberno de esquerdas en Foz é do BNG. Non, señores, a culpa de que non houbese pacto é do personalismo dos PSOEs, que non aceptaban un alcalde que non fose o seu propio candidato. No BNG só puxemos unha condición: o noso programa, que incluía propostas para crear emprego, para a xestión pública dos servizos e para favorecer a participación cidadá. Queda pois bastante claro que todas estas descalificacións só obedecen a un obxectivo: desviar a atención das súas propias malas actuacións.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
