Cervo, 8 de marzo de 2016.- O Concello de Cervo presentou o equipo de baloncesto mixto das escolas deportivas municipais cun acto ao que asistiron o alcalde, Alfonso Villares, e o concelleiro de Deportes, José Ramón Soto.
O edil de Deportes explicou que este equipo “compite a través das escolas deportivas do Concello nas categorías de alevín e benxamín con outras formacións da Mariña e estreou indumentaria, que foi aportada polo Concello de Cervo. É unha mostra máis de que o Concello segue apostando polo deporte base, sendo o principal obxectivo intentar axudar á formación dos nenos a través da diversión, xogando e relacionándose en grupos; e sobre todo gozar e poder sacar os mellores resultados para a súa formación, tanto deportivos como sociais e persoais. Isto, sen lugar a dúbidas, é unha boa base que favorece moito o crecemento dos nenos en ambientes saudables”.
José Ramón Soto engadiu que “as escolas deportivas do Concello de Cervo, que tamén inclúen actividades para adultos, levan funcionando desde o ano 2007 de forma continuada cunha masiva participación dos nenos e nenas do municipio, xa que nestes momentos temos un total de 212 inscritos nas distintas categorías. Aparte do baloncesto temos fútbol sala, patinaxe, pequexogos, deportes de raqueta, voleibol, pádel, pilates, aerobic, ximnasia de mantemento,… Algúns deles participan en competicións escolares, como son o fútbol sala e o baloncesto. E en deporte federado contamos co equipo feminino de voleibol recentemente formado, que é o único na Mariña e disputa o campionato xuvenil feminino de Terceira División”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
