Lugo, 12 de marzo de 2016.- A Xunta de Galicia, a través da Axencia Turismo de Galicia, destinará 300.000 euros á promoción das festas de interese turístico da Comunidade a través dunha liña de axudas á que poderán optar 21 concellos da provincia de Lugo que organizan celebracións deste tipo.
A Delegada Territorial da Xunta en Lugo, Raquel Arias, subliñou que “o prazo para a presentación de solicitudes remata o vindeiro 26 de marzo e tamén poderá beneficiarse a recentemente recoñecida Festa do Queixo do Cebreiro, que se celebra no Concello de Pedrafita do Cebreiro”.
Arias sinalou que, tras este último recoñecemento, “serán 27 as celebracións da provincia de Lugo que estarán en disposición de optar ás subvencións, co obxectivo de sufragar parcialmente os investimentos directamente vinculados ao apoio, promoción e difusión das festas declaradas de interese turístico de Galicia”.
As actuacións subvencionables poderán acadar un máximo de axuda de 3.000 euros, sempre que os gastos sexan iguais ou superiores a este importe. No caso de que os gastos non acaden esa contía, a axuda será como máximo o importe destes. Unicamente se subvencionará un evento por concello solicitante.
Non poderán ser obxecto de subvención as celebracións, que ademais da declaración de interese turístico autonómico, conten coa declaración de festa de interese nacional ou internacional.
Na provincia de Lugo son festas declaradas de Interese Turístico Autonómico a Festa da Pescada do Pincho de Celeiro, a Romaría do Naseiro e a Rapa das Bestas, en Viveiro; as Festas Patronais de San Lourenzo, en Foz; as San Lucas, en Mondoñedo; a Xira de Santa Cruz, en Ribadeo; a Feira do Bonito de Burela; a Feira da Troita da Pontenova; a Feira do Viño de Amandi, en Sober; a Festa da Faba de Lourenzá; a Festa da Maruxaina de San Cibrao, a Festa do Ourizo e a Queimada Popular, en Cervo; o Folión de Carros, en Chantada; a Festa da Malla de Meira; o Festival Internacional do Emigrante, en Barreiros; a Festa da Filloa de Muimenta, en Cospeito; as Fachas de Castelo, en Taboada; o Festival de Pardiñas, en Guitiriz; o Filandón de Músicas e a Festa da Castaña, en Folgoso do Courel; a Mostra do Aceite de Quiroga; o Belén Electrónico de Begonte; a Feira dos Santos, en Monterroso; e o Arde Lucus e a Ofrenda do Reino de Galicia ao Santísimo Sacramento, en Lugo.
Convenio con Abanca
Neste ámbito, Turismo de Galicia tamén asinou un convenio de colaboración coa entidade financeira Abanca para o apoio é promoción e difusión das festas declaradas de interese turístico na Comunidade galega.
Así, segundo este acordo, Abanca comprométese a contribuír ao desenvolvemento das festas de interese turístico mediante a realización dunha achega económica en concepto de colaboración ás entidades públicas ou privadas promotoras das festas.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).