Xoves, 17 de marzo de 2016.- O Grupo Provincial do Partido Popular solicitará de novo explicacións a través dunha pregunta en Pleno sobre as xestións do Goberno presidido por José Ramón Gómez Besteiro na Deputación de Lugo. O vicevoceiro dos populares, Carlos Armesto, lembra que “temos pedido en múltiples ocasións explicacións que non se nos teñen dado e segue o silencio como resposta a pesar de que se cumpre unha semana da imputación do líder dos socialistas”.
O popular considera que as dúbidas sobre a xestión do bipartito “lonxe de disiparse, seguen a ser cada vez maiores, incapaces de asumir a responsabilidade que lles corresponde ante os lucenses, ante unha investigación sobre corrupción” e tendo en conta, lembra Armesto, que “o actual equipo de Goberno é practicamente o mesmo que o de Besteiro, ao que o xuíz lle imputa seis delitos nesta causa”.
Armesto considera que o bipartito ten na sesión plenaria do martes 29 unha “boa oportunidade” para aclarar como afecta esta situación á actividade da institución e se pensan tomar algún tipo de medida ou pedir responsabilidades políticas. En concreto, os populares pedirán explicacións sobre os documentos nos que supostamente figura a contabilidade irregular da Deputación e as supostas listas negras con persoal marcado por estar vinculado co Partido Popular, aspectos que figuran no auto da xuíz, tal e como teñen recollido os medios de comunicación.
“Agardamos que cambien esta actitude, que rectifiquen, que non se convertan en cómplices necesarios ante unha xestión e uns feitos que como mínimo demostran un proceder irregular no manexo de fondos públicos de todos os lucenses e na xestión da primeira institución desta provincia. Hai responsables e teñen que dar a cara”, sostén.
O popular defende que o Señor Campos practicou a “estratexia da avestruz” agochando a cabeza e sen saír en ningún momento “nin tan sequera para lanzar unha mensaxe de tranquilidade”. “Non facemos oportunismo político, queremos explicacións, o mesmo que demandan os cidadáns”, engade.
Dano á institución pública
Armesto esgrime que con cada hora que pasa medran as dúbidas sobre as decisións que se teñen tomado en referencia as axudas públicas ou a programas como o km0 e ao propio funcionamento dos servizos esenciais da Deputación. “O único que conseguen é danar a imaxe desta institución”, lamenta o popular e “falamos de diñeiro público, de todos os lucenses, que merecen unha explicación”, engade.
O vicevoceiro dos populares lembra que no seu día o PP xa ten pedido información sobre esta Operación cando Besteiro era presidente “limitándose a botar balóns fora e a responder con evasivas”. “Xogaron á burla, tildaron a fiscalización do PP como círculo mediático e agora terán que dar estas explicacións en sede xudicial, mentres nos seguiremos facendo esa labor de fiscalización, seguimos reclamando explicacións aos seus compañeiros de Goberno”, matiza.
Ademais de danar a imaxe da institución, dende o Grupo Popular indican que esta circunstancia pode ter relación e xustificar a situación de parálise que actualmente vive a Deputación de Lugo. “Lamentamos as consecuencias prexudiciais que están a ocasionar na Deputación” e reproba que “hai quen como resposta arremete conta a xustiza e contra os que, preocupados pola institución, reclamamos actuacións”.
Resposta de Besteiro
Aínda que “imos respectar os tempos, a propia labor e dinámica da investigación da Xustiza”, Armesto tamén considera “reprobable” que Besteiro “abandone o único cargo que non tiña, que era o de candidato á Xunta. Segue sendo secretario xeral cando pesan sobre el 10 imputacións por dúas operacións xudiciais diferentes”. Armesto pregúntase como será o segundo candidato do PSdeG se o mellor candidato que tiñan ten dez imputacións.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
