Foz, 18 de marzo de 2016. O BNG de Foz saca as súas conclusións da última xunta de portavoces.
Este xoves os portavoces da corporación municipal de Foz volvían reunirse, esta vez para volver poñer enriba da mesa un contrato tan importante como o da concesionaria da auga. Esta relación contractual debería rematar o próximo ano, mais como xa se sabe o Concello parece deber xa preto dun millón de euros á empresa e esta prefire rescindir o contrato de mutuo acordo e saírse do contencioso no que actualmente estamos.
“A pesares de que xa levamos varias reunións sobre esta cuestión síguenos a sorprender a falta dun informe técnico municipal ou independente que avale ou rexeite a cifra da suposta débeda que o Concello mantén con Gestagua e sorprende tamén que dende o primeiro momento o alcalde a dera por boa” sinalan Lorena Seivane e Teresa Rego.
Nese informe, ademais, deberían incluírse todos os certificados que avalan que a concesionaria respondeu á súa parte do contrato e fixo todas as melloras e substitucións na rede de saneamento, tal e como se indicaba no pliego alá polo ano 1992 cando se lle adxudica a xestión da auga e tamén na prórroga de 2007.
“Queremos recordarlles aos veciños e veciñas de Foz que esta situación de incertidumbre que estamos a vivir ten culpables: o PP, que foi quen fixo a primeira concesión no ano 1992, e o PSOE, que a pesar de levar no seu programa de 1995 a remunicipalización, foi o que concedeu as sucesivas prórrogas”, din Seivane e Rego.
A posible solución que se puxo onte enriba da mesa empeza por rescindir o contrato actual de mutuo acordo fixando uns prazos para pagar esa débeda e sacar unha nova licitación para que outra empresa, ou a mesma, xestione o servizo de augas do noso Concello. Non se fala nunca nestas xuntanzas da posibilidade existente dun servizo municipal, mais onte o secretario manifestou que é imprescindible xuridicamente emitir un estudo de viabilidade feito por un equipo técnico antes de redactar un novo pliego.
Veremos entón si se pode, como sempre defendeu o BNG, asumir este servizo de forma municipal, xusta e transparente.
Lorena Seivane García
Teresa Rego Cabanas
Voceiras do BNG de Foz
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
