Lourenzá, 19 de marzo de 2016.- O Grupo Municipal do Partido Popular de Lourenzá tacha de “moi censurable” a actitude da alcaldesa e do resto do equipo de Goberno da localidade cara aos representantes populares na corporación local. A voceira dos populares, Emma Álvarez Chao, asegura que o comportamento da alcaldesa e do seu grupo de Goberno nas sesións plenarias é “ditatorial” e recorren a “burla” como modo de resposta á labor de fiscalización dos populares, que están a cumprir coa súa responsabilidade.
Na última sesión plenaria, a alcaldesa non contestou ningunha das sete preguntas trasladadas polos populares. Unha situación que se “está a repetir de xeito continuado en cada pleno”, asegura Álvarez Chao. A voceira popular pon como exemplo, entre os casos dados, que tras interesárense os populares polos desbroces en pistas acometidos con cargo a medios propios, a resposta da rexedora socialista limitouse a un “as mesmas ca vostede”, sen especificar en que camiños actuaron.
“Esta evasiva nas preguntas demostra que ou non saben o que pasa no Concello ou pola contra buscan ocultar a información”, considera Álvarez Chao. Neste caso, a voceira dos populares asegura que “nos gustaría coñecer o motivo, a que xogan e o porqué se limitan a botar balóns fóra”.
“Creo que esta non debe ser a actitude dos que se din próximos ao pobo, non contestar ás preguntas que lles fan nos plenos”, a maiores de que a “situación de pasotismo que se está a dar no Concello é de tal magnitude que dende que están no Goberno non atenderon a ningún dos rogos trasladados polo PP e que responden a peticións e demandas dos propios veciños”.
A alcaldesa e o seu equipo de Goberno está a mofarse do máximo órgano de Goberno local, o Pleno, dos veciños e do edís populares aos que se dirixen de xeito irrespectuoso durante as sesións plenarias. “Limítanse a facer xestos cara os asistentes, – dada a pouca difusión que lles dan aos plenos, asisten maioritariamente de público membros de anteriores listas socialistas-, co obxecto de rirse dos que estamos a desempeñar con seriedade a nosa función como membros da corporación e representantes dos veciños”, explica a popular, ata o punto de empregar expresións dirixíndose a voceira como a de “chorradas, esta non aprende”, no lugar de responder ás preguntas.
“Non escatiman en mentir no pleno”, sesións que converten en “auténticas ditaduras, non nos deixan falar”, ademais de negarse a recoller en acta as intervencións en Pleno. “Pedímoslles que as graven e negáronse”, manifesta a voceira, situación que obriga aos populares a votar en contra da aprobación das actas. “Estamos ante un Goberno que busca dar unha imaxe totalmente oposta a que practica, xa que mentres aproban decretos de participación cidadá, limítannos as intervencións, pese a que somos a voz dos veciños”, reitera a popular.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
