Burela, 24 de marzo de 2016. A Federación Autismo Galicia desenvolverá, ao longo dos vindeiros meses, o programa Coidamos-TEA no concello de Burela e na súa área de influencia, segundo informa a Concellería de Servizos Sociais, que dirixe Patricia Otero.
O obxectivo de Coidamos-TEA, financiado pola Fundación Barrié e a Fundación Roviralta, e en colaboración co Concello de Burela é proporcionarlle as familias das persoas con TEA un lugar de encontro onde obter información profesional e especializada sobre o autismo e compartir experiencias.
Profesionais especializados de Autismo Galicia serán os encargados de levar a cabo estes encontros mensuais nos que se busca dar una resposta ás necesidades das familias, tales como: apoio no fogar, oportunidade de aprendizaxe, xogo e habilidades sociais, apoio psicolóxico, recursos e axudas sociais, as familias como motor e as súas experiencias.
Este programa Coidamos –TEA é unha oportunidade para mellorar a atención ás persoas con autismo, tanto dende a familia como dende o seu entorno próximo, como son os servizos sociais dos seus concellos.
Estas xornadas que comezan o vindeiro luns, 28 de marzo, terán continuidade nas seguintes datas: 25 de abril, 23 de maio, 20 de xuño, 18 de xullo e 19 de setembro. Estes encontros terán lugar na Aula de Familia sita na Casa da Cultura de Burela, en horario de 18.00 a 19.30 horas.
O Concello sede de ditas xornadas é o de Burela, pero nestes encontros poderán participar, ademais das familias de Burela, familias de Viveiro, Cervo, Foz, Ribadeo e Mondoñedo.
Inscrición
A inscrición pode realizarse no e-mail: apoio@autismogalicia.org ou no número de teléfono: 981 589 365 (de 9.00 a 15.00 horas). A asistencia é completamente gratuíta ata completar aforo.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
