LUGO .- O Presidente da Deputación, José Ramón Gómez Besteiro, e o Deputado de Cooperación cos Concellos, Antonio Gato Soengas, presentaron este mércores o Plan de Comunidades Veciñais de 2009. A través desta iniciativa, o organismo provincial acometerá obras por valor de 3,7 millóns de euros, das que a Deputación inviste 2,2, o que representa o 60% do orzamento total.
Gómez Besteiro salientou que “a través deste Plan, subvencionamos pequenas obras, pero non menos necesarias, e que os Concellos non poderían acometer sen a colaboración da Deputación”.
A Xunta de Goberno aprobará este venres por vía de urxencia esta liña de actuación das que se beneficiarán 295 entidades asociativas. Neste senso, o titular do organismo provincial subliñou o feito de que o número de colectivos interesados na iniciativa da Deputación viuse incrementado con respecto a 2008, “isto é unha proba, de que facemos ben as cousas e de que estamos dando resposta as demandas dos veciños”.
As axudas que concede a Deputación para calquera das actuacións non superará os 12.000 euros, é dicir, o 75% do importe total da obra, de tal xeito, que o 25% restante deberá ser sufragado polos colectivos veciñais.
Plan de 2008
Gómez Besteiro e Gato Soengas fixeron este anuncio nunha das obras que foron executadas con cargo ao Plan de Comunidades Veciñais de 2008. Concretamente, na área creativa de Vilar de Remonde onde se investiron preto de 12.000 euros para o seu acondicionamento.
Neste senso, o titular do organismo provincial subliñou que “xa levamos tramitado o 80% das obras aprobadas na anualidade do 2008”. En Palas de Rei, a Deputación aprobou o ano pasado obras por valor de máis de 64.0000 euros, dos que o organismo provincial achegu 48.000, e que serviron para mellorar e dotar de servizos o parque infantil do colexo público deste Concello, o camiño de Campomaior a San Vicente, a área recreativa do río Ferreira, e para a pavimentación dos núcleos de Vilariño e Bistulfe.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
