Lugo, 30 de marzo do 2016.- O Delegado de Cultura da Deputación de Lugo, Xosé Ferreiro, presentou na mañá deste mércores a programación prevista en torno ao Ano Castelao 2016. Xunto a el estiveron tamén Lucía López, responsábel técnica do programa, Encarna Lago, Xerente da Rede Museística Provincial, Aurelia Balseiro, Directora do Museo de Lugo, e Brian Rodríguez, representante da Asociación Cultural Juan Casaveteiro de Lugo.
Ferreiro explicou que a programación que se presenta é “especial” pois este ano “a Academia Galega de Belas Artes escolleu como autor homenaxeado a Alfonso Daniel Rodríguez Castelao, destacando as súas achegas teóricas e creativas para divulgar a dignificación de Galiza”, indicou.
A programación, que arranca o vindeiro venres 1 de abril, Día das Artes Galegas, coa representación de Que comerá o Rei? a cargo de Cándido Pazó, ás 20 horas na Sala de Exposicións da Deputación de Lugo, levará moi diversas actividades ao longo de toda a provincia.
Actividades por todos os Concellos da provincia para celebrar o Ano Castelao 2016
A Área de Cultura da Deputación escolleu diversos formatos para achegar a figura de Castelao a toda a poboación. Así, a través de obradoiros, teatro, audiovisual e tamén conferencias a figura do insigne autor galego estará presente desde o 1 de abril e ata finais de ano en toda a provincia de Lugo. Nós vindeiros días daráse a coñecer as datas e horarios concretos dunha programación que se vai achegar a todas as comarcas lucenses, tal e como explican desde a Área de Cultura.
Que comerá o rei? de Cándido Pazó, unha sesión de historias e contos inspirados nos textos e debuxos de Castelao viaxará ata os Concellos de Monforte de Lemos o vindeiro 3 de abril, na Casa da Cultura Poeta Lois Pereiro, ás 20 horas; 0 10 de abril a Becerreá, o 24 de abril a Muras, o 30 de abril a Monterroso, o 4 de xuño a Fonsagrada, o 8 de maio a Chantada, o 14 de maio a Viveiro, o 15 de maio a Guitiriz, o 29 de maio a Pol ou o 10 de xuño a Burela, entre outros como Mondoñedo ou Friol.
Tamén está presente na programación o espectáculo Retrincos de Castelao, do actor lucense Fran Rei e da actriz Isabel Risco, onde fan un achegamento ao humor na obra do importal autor de Rianxo. Este espectáculo, que comezará a xirar pola provincia despois do verán, viaxará ata os Concellos de A Pobra do Brollón, o 10 de setembro, Vilalba, o 17 de setembro, A Pastoriza, o 1 de outubro, Ribadeo, o 8 outubro, O Valadouro, o 15 de outubro, Sarria, o 6 de novembro e Ribas de Sil, o 26 de novembro.
Xa en novembro, a peza “Os vellos non deben namorarse” na que a compañía galega Fantoches Baj representa con marionetas a emblemática obra de Castelao no 75 aniversario da súa estrea en Bos Aires.
Actividade na Rede Museística Provincial
A programación presentada contempla tamén actividade na Rede Museística Provincial, onde terán lugar obradoiros de gravado en releve “Cousas de animais” e “Cousas de nenos e nenas”, baseados na obra do propio Castelao.
“A lanterna máxica de Castelao”, un proxecto cultural promovido pola Asociación Cultural lucense Juan Casaveteiro, conxugará teatro e audiovisual para achegar aos tres Clubes da Rede Museística (Pequeamig@s, Sénior e Clube Ei!) a vida e a obra de Castelao.
“Castelao, unha visión multidisplinar” é o nome do ciclo de relatorios que terá tamén como sedes os catro Museos da Rede e que abordará a partir do mércores, 27 de abril, as diferentes facetas do autor: o Castelao dramaturgo, da man de Manuel Lourenzo, o Castelao político, da man de Uxío-Breogán Diéguez, o Castelao humorista, da man de Siro López, o Castelao artista, da man de José Manuel López, o Castelao narrador, da man de Pilar García Negro. Así memo, aboradarase tamén “A obra de Castelao no Museo de Lugo. Unha visión didáctica” da man de Xoán Ramiro Cuba, e, xa por último “Castelao e as cruces de pedra” da man de Fernando Arribas.
No caso concreto do Museo de Lugo, tal e como expresan desde a Área de Cultura, “queremos recalcar que temos, desde o ano 2010, unha sala monográfica adicada a Castelao. Esta mesma sala vai ser onde, a maiores da obra xa exposta, vai ter lugar unha mostra de documentación, materiais bibliográficos e artísticos de Castelao, pertencentes aos fondos do propio Museo, e que queremos amosar neste ano especialmente, destacando a faceta do Castelao Caricaturista e ilustrador”, sinalan.
Actividade tamén nos centros de ensino
Os centros de ensino da provincia tamén serán receptores dunha proposta dun total de 50 obradoiros que, baixo o nome de “ContarNós”, será dixidos ao alumnado de infantil, primaria e secundaria, para achegar tamén a figura de Castelao ás e aos máis novos.
Xosé Ferreiro concluíu sinalando que “con esta programación queremos horar a figura sublime de Castelao tal e como el honrou sempre a súa terra, Galiza”, dixo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
