O Valadouro, 6 de abril de 2016.- O deputado José Manuel Yanes Ginzo comunica que na mañá deste mércores o Grupo Provincial do PP rexistrou unha pregunta dirixida ao presidente da Deputación de Lugo a través da que se interesa polo número de universitarios beneficiarios da subvención concedida pola institución lucense ao Concello de O Valadouro para o financiamento do Programa Piloto de Formación e Emprego en Agricultura Ecolóxica.
En concreto, os populares piden saber: “Cantos universitarios foron destinatarios da subvención excepcional outorgada pola Excma. Deputación ao Concello do Valadouro, polo importe de 215.000 euros, co obxecto de colaborar no financiamento do Programa Piloto de Formación e Emprego en Agricultura Ecolóxica, executado polo Concello ao longo das anualidades 2013, 2014 e 2015”.
O deputado explica que dende o Grupo Provincial do PP trasladan esta pregunta ao presidente da Deputación xa que, unha vez estudado o expediente relativo á aprobación de dita conta xustificativa, “non temos claro que se acadaran os fins para os que foi outorgada a subvención”, é dicir, para a colaboración do sistema de formación teórica e práctica dos universitarios.
O convenio regulador da referida subvención directa excepcional, aprobada en decembro de 2013, reflicte que esta achega económica realízase con cargo a liña 5 do Plan Estratéxico de Subvencións, titulada ‘Ensinanzas Universitarias’, para proporcionarlle aos alumnos universitarios a posibilidade de abrirse camiño no mercado laboral como posuidores dunha formación oficial avantaxada. Na memoria remitida polo Concello á Deputación non clarifican o número de alumnos universitarios que foron destinatarios desta subvención polo que “dentro da nosa labor de control e fiscalización, queremos coñecer se realmente se cumpriron cos fins para os que outorgada a subvención”, matiza a popular.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
