Foz, 6 de abril de 2016.- O alcalde de Foz, Javier Jorge Castiñeira, espera contar co apoio dos concelleiros do PSOE para aprobar a resolución por mutuo acordo do contrato de abastecemento de auga e depuración coa empresa Gestagua no pleno da corporación municipal que se celebrará este xoves ás 20:30 horas.
Sobre esta sesión o rexedor municipal manifestou hoxe que “o asunto máis importante é o da rescisión de forma bilateral e amigable do contrato de xestión da auga potable entre o Concello e Gestagua, un asunto que ten que aprobar o pleno con maioría absoluta, ou sexa cun mínimo de 7 votos favorables. Ante esta situación os concelleiros do goberno municipal do Partido Popular vamos votar a favor, porque entendemos que esa rescisión do contrato é o máis favorable para os intereses do Concello de Foz. Así resólvese como se vai pagar esa débeda dun millón de euros, non se segue ocasionando máis débeda e, sobre todo, o máis importante é que se evita un contencioso que pode levar ao pago, a maiores da propia débeda, duns intereses e de danos e prexuízos. Polo tanto a aprobación da resolución do contrato é o máis favorable para o Concello. E como se necesitan dous votos máis a favor, a maiores dos do Partido Popular, entendemos que debe ser o Partido Socialista, do señor Cancio e da señora Veiga e demais, o que apoie a aprobación da resolución deste contrato”.
Javier Castiñeira especificou que os motivos polos que considera que os socialistas deben votar a favor deste asunto “son que foi o goberno municipal do Partido Socialista, no ano 2007, o que prorrogou o contrato con Gestagua e o que aceptou as condicións de actualizar os prezos anualmente por unha fórmula; esa aprobación foi defendida como portavoz, no seu momento, polo señor Cancio, que despois deambulou por outros partidos pero agora volve ter responsabilidades no Partido Socialista de Foz. Polo tanto debe ser o PSOE, que prorrogou o contrato con Gestagua, o que agora axude a resolver o problema da débeda. E hai outro motivo máis, xa que o Partido Socialista xunto con Unifoz foron os que no mandato pasado non quixeron actualizar os prezos, a pesar de que o alcalde lles dixo que isto ía ocasionar unha serie de débedas. E loxicamente estas débedas que agora temos por non telo actualizalo, porque votaron en contra o Partido Socialista e Unifoz, ambos vinculados co señor Cancio, é outro motivo para estar agora á altura. E outra das razóns é que no ano 2013, cando vimos que a fórmula era necesaria, foron o Partido Socialista e Unifoz os que votaron a favor de facer un estudo para ver cal era a débeda xa con esa fórmula resolta”.
Por todo isto o alcalde manifestou que “a responsabilidade do goberno vai asumila o Partido Popular, pero o Partido Socialista tamén debe contribuír a solucionar este asunto votando a favor da resolución amigable do contrato para non seguir acumulando débeda, darlle solución a ese contencioso que existe entre a empresa e o Concello e iniciar un novo contrato no que, ademais de dirimir cales van ser as taxas que paguen os usuarios, debe ser o propio servizo o que asuma a débeda. Así soluciónase un problema enorme que estamos a ver que pode levarnos a uns custes para o Concello dun millón de euros ou algo máis. Polo tanto pídolles responsabilidade aos concelleiros do Partido Socialista e solicítolle ao señor Cancio que interceda ante os seus compañeiros para solucionar isto. E aí veríase certamente a altura á que estamos hoxe en día, mirando polos intereses xerais e evitando maiores problemas no Concello de Foz”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
