Viveiro, 6 de abril de 2016.- Para o pleno deste mércores 6 de abril o Grupo Municipal SON VIVEIRO rexistrou unha moción para a elaboración dunha ordenanza reguladora da protección dos camiños rurais, con especial fincapé nas operacións forestais.
Varias foron as achegas de veciñas e veciños que nos trasladaron as súas molestias polo estado no que se atopan, en moitas ocasións, os camiños de uso público de acceso aos seus aproveitamentos forestais e/ou gandeiros debido ao paso de camións de gran tonelaxe, que soen ocasionar desperfectos nos mesmos. Sabemos da importancia que ten o sector forestal no noso medio rural, pero tamén dos potenciais usos que se poderían levar a cabo a través dunha xestión sustentable de dito medio, que é unha parte importante do noso municipio.
Nesta moción, presentamos uns acordos básicos cos cales comezar a redactar dita ordenanza e ofrecémonos para colaborar na súa elaboración; son os seguintes:
1. Creación dunha Comisión de Estudo para elaborar, co asesoramento técnico necesario, o texto de Anteproxecto da Ordenanza reguladora da protección dos camiños e vieiros municipais en relación coas operacións forestais e similares.
2. Darlle publicidade a este acordo, co fin de facilitar reclamacións e suxestións a través da participación cidadá e dos distintos colectivos relacionados co sector.
3. Someter ao Pleno, para a súa aprobación inicial, o Anteproxecto da Ordenanza.
A preservación deste tecido forestal, no que a produtividade é só un dos seus valores −amais do paisaxístico e do ambiental−, fainos sensibles ante a importancia que ten regularizar os traballos de quita de madeira a través de camiños de uso común.
Dende SON VIVEIRO, traballaremos para que o tecido rural, ao igual que o mar, sexan os sectores sobre os que vertebrar o desenvolvemento económico do noso concello, sen perder de vista o impacto social e ambiental dos proxectos que se queiran desenvolver nestes eidos.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
