Os colectivos “Amigos do Patrimonio” de Castroverde e “Arcas” de Sarria farán o Roteiro Turístico Literario Leiras Pulpeiro en Mondoñedo

Mondoñedo, 7 de abril de 2016.- Programa da visita a Mondoñedo dos Colectivos “Amigos do Patrimonio” de Castroverde e “Arcas” de Sarria. Guiados por membros da Asociación “Abrindo camiño” e coa colaboración do Concello de Mondoñedo

Sábado 9 de abril de 2016
11 h. Recibimento na Alameda dos Remedios, lugar de celebración da 1ª Festa da Árbore de España (ano 1569, sendo rexedor da cidade Luís de Luaces). Visita-explicacións do Santuario da Virxe dos Remedios e do Antigo Hospital de San Pablo.

11,30 h. Ofrenda e Lectura Poética no Cemiterio Vello
Achegamento en autocar ata as Campas onde están soterrados ilustres persoeiros de Mondoñedo e ata o Parque da Lembranza, onde se plantou un “caxigo e un loureiro” polos centros escolares da comarca na homenaxe de Manuel Leiras Pulpeiro, o poeta e médico “dos probes” “que amou a Verdade e practicou o Ben”.

12,00 h Centro de Interpretación do Camiño Norte de Santiago.
Saúdo polas autoridades e proxección do audiovisual “Polos Camiños de Leiras” dirixido por Matías Nicieza e narrado por Marina Mayoral e Antonio Reigosa. Visita guiada as salas do Camiño Norte.

13,00 h. Centro Cultural “A Casa da Xente” da Alcántara
Continuación do percorrido ata a Praza Jaime Cabot (lugar de ubicación dos Xulgados, da Escola de Música, do Auditorio “Pascual Veiga”, do Albergue Municipal do Camiño Norte de Santiago) e visita o Centro Cultural “A Casa da Xente” da Alcántara, onde se expoñen paneis biográficos, dedicado os ilustres escritores e músicos mindonienses: Manuel Leiras Pulpeiro, Álvaro Cunqueiro, Noriega Varela, Pascual Veiga e as Imprentas da Cidade.

13,30 h. Continuación do recorrido, con lecturas de poesías polos lugares relacionados coa vida e obra do insigne médico e escritor: casas vitais e de nacemento, lugares onde traballou (Sociedade de Socorros Mutuos) onde estudou (Real Seminario), etc.

14,30 horas Xantar.

16,30 horas. Barrio Artesanal dos Muíños Visita os obradoiros e Participación nunha demostración do “Xogo Tradicional da Chave” a celebrar no Anfiteatro dos Artesáns dos Muíños.

17,30 h Visita guiada a Basílica Catedral e ao Museo Diocesano.

18,30 horas .Continuación do Roteiro “Leiras Pulpeiro”. Desprazamento en autocar con visitas á Área Recreativa de “A Fervenza” de Viloalle, as Antigas fábricas “Electricista Mindoniense” (as mais antigas de Galicia 1892-1906) a Fonte de Augas Sulfurosas e a “Pena do Unto” do Castro da Recadieira. Lugares que Manuel Leiras, recomendaba polos seus valores paisaxísticos, etnográficos, medicinais e literarios.